Veire la font de Cardo maximus

[[Fichièr:Jerash_-_Cardo_maximus_01.jpg|thumb|Lo cardo maximus de Jerash en [[Jordania]]]]
Lo '''Cardo maximus''' es la via d'axe màger nòrd-sud d'una [[Urbs|vila romana]] (dels tèrmes [[Latin|latins]] '''Cardo''' per « pivòt » o « gafon de pòrta », emplegat en tèrmes d'orientacion geografica per designar l’axe nòrd-sud a l'entorn de que semble pivotar la vòlta celèsta<ref>Pierre Grimal, ''Les Villes romaines'', PUF, Que sais-je ? {{Modèl:N°|657}}, PUF, 1954, 7 édition 1990, {{Modèl:ISBN|2130433685}}, p. 18</ref> e '''maximus''' per « mai grand » : superlatiu de ''magnus''). Dins la centuriacion romana, lo cardo maximus èra l'axe nòrd-sud qu'estructurava la ciutat dempuèi sa creacion. Enseguida, lo cardo èra una de las [[Via de communicacion|vias]] màger al còr de la vida economica e sociala de la vila. A la crosada del ''cardo'' e del ''[[decumanus]]'' (axe èst-oèst) d'una ciutat, mai sovent èra lo [[Forum roman|forum]]. 


== Exemple de Cardo==
=== Cardo de Jerusalèm===
[[Fichièr:Jerusalem_cardo.jpg|thumb|Lo cardo de [[Jerusalèm]]]]
Un exemple de cardo es aquel de l'antica [[Jerusalèm]]. Après la répression de la revòlta josièva de [[70]] per las tropas de [[Titus (emperaire roman)|Titus]], l'emperaire [[Adrian (emperaire)|Adrian]] comencèt a tornar bastir Jerusalèm sul modèl e los nòus plans de la vila comportavan un cardo amb colomnadas. 

=== Cardo de Tolosa ===
Lo ''cardo maximus''<ref>[https://web.archive.org/web/20111122022821/http://voies.archeo-rome.com/voies03.html archeo-rome.com]</ref> de [[Tolosa]] es una viá que traversa la vila de la pòrta nòrd, la Porteria trobada jol la [[Plaça del Capitòli (Tolosa)|plaça del Capitòli]], per las carrièra de Sant Roman e Filatièrs per acabar, al sud, a la pòrta narbonesa. Aquel cardo es ara una zona pedona dempuèi 2010<ref>[https://web.archive.org/web/20160303193948/http://www.toulouseplanete.org/?2010/07/16/391-toulouse-pietonise-son-cardo-romain toulouseplanete.org]</ref>.

== Nòta et referéncias ==
<references/>

== Vejatz tanben ==

=== Articles connèxes ===
* [[Decumanus]]
[[Categoria:Carrièra]]