Canon
Un canon es una arma de fuòc pesuca de forma tubulara e de gròs calibre qu'es destinada a tirar un projectil pesuc a una distància importanta segon una trajectòria tenduda. Apareguts durant lo sègle XV, lei premiers canons foguèron una revolucion militara car, capables de participar a una batalha en païs descubèrt, transformèron l'art de la guèrra. Uei, en despiech de l'aparicion dau missil, son l'arma principala de l'artilhariá e de la màger part dei veïculs de combat militar. Dins lei domenis navaus e aerians, se lo canon es plus l'arma principala dau combat modèrne, es totjorn considerat coma una arma segondària eficaça.