Cangoró
Lo cangoró (cf. ang. kangaroo, cat. cangurú) [1] es un marsupial (animal) que demòra en Austràlia.
Un cangoró es tota mena de grand macropòde (la familha dels marsupials que encabís a mai los oalabis, los cangorós arboricòlas e los walarus amb 45 espécias en total). Lo nom de cangoró de còps que i a s'emplega dins un sens pus larg per se referir a totes los membres de la familha dels macropòdes.
Las espécias de cangorós
[modificar | Modificar lo còdi]I a tres espécias de cangorós. Ocupan majoritàriament lo sud e lo centre d'Austràlia.
Lo cangoró roge
[modificar | Modificar lo còdi]
Lo cangoró roge (Macropus rufus), qu'es lo cangoró mai grand e tanben lo marsupial mai grand dels qu'existisson uèi. Los cangorós roges ocupan lo centre arid e semiarid del país. Un mascle adulte pòt mesurar 1,5 m de naut e pesar 85 kg.
Lo cangoró gris oriental
[modificar | Modificar lo còdi]Lo cangoró gris oriental (Macropus giganteus) es mens conegut que lo cangoró roge, mas se vei pus sovent, vist que son espécia cobrís la partida orientala, qu'es fertila, d'Austràlia.
Lo cangoró gris occidental
[modificar | Modificar lo còdi]Lo cangoró gris occidental (Macropus fuliginosus), de talha mai bassa. Se pòt trobar dins lo sud de l'Austràlia Occidentala, la partida meridionala qu'es a ras de la còsta e dins la conca del flum Darling.
Los cangorós possedisson de grandas e poderosas pautas posterioras, de pès grands faches per sautar, una coa longa e musculosa per gardar l'equilibri e un cap pichonèl. Los cangorós son erbívòrs e s'alimentan de pasturas e de rasics. Totas las espécias son nocturnas e crepuscularas. D'un biais general passan son jorn dins la calma e s'alimentan de vespre e las nuèches frejas, mai sovent en còlhas. An una esperança de vida de 18 annadas aperaquí. Los cangorós son coneguts coma l'animal mai representatiu d'Austràlia. Coma tal, es plan aisit de trobar de cangorós en joguets e sovenirs del país.
Ligams extèrnes
[modificar | Modificar lo còdi]- Lo projècte del Genòme del Cangoró a l'Universitat Nacionala d'Austràlia.
- Skippy Size Me 2004 ABC report on kangaroo industry
- De nòvas interessantas suls cangorós
- Referéncia Animal Diversity Web : Macropodidae (en)
- Referéncia ITIS : Macropodidae Gray, 1821 (fr) ( (en))
- Referéncia NCBI : Macropodidae (en)