Campanha d'Appomatox

Un article de Wikipèdia, l'enciclopèdia liura.
Salta a la navegació Salta a la cerca
Fotografia de soudats federats a la fin de la batalha.

La campanha d'Appomatox es un ensemble de batalhas que se debanèron en Virgínia dau 29 de març au 9 d'abriu de 1865 durant la Guèrra de Secession. Menaçada d'enceuclament a l'entorn de Richmond, l'armada sudista dau generau Lee cargada de protegir la vila (56 000 òmes) assaièt de se retirar vèrs l'oèst. Foguèt perseguida per plusors armadas nordistas comandadas per lo generau Grant (114 000 òmes).

Ben organizada, la retirada sudista foguèt pasmens ben fòrça malaisada en causa dau lassitge generau dei tropas, afeblidas per lo sètge de Petersburg e Richmond. De mai, l'incendi dei pònts utilizats per lei Sudistas mau capitèt. Ansin, la cavalariá nordista poguèt precedir lei Sudistas a Appomattox Court House onte capturèt lo tren d'avitalhament previst per Lee. Blocats amb 28 000 òmes e atacats per mai de 125 000 òmes, lei Sudistas foguèron obligats de capitular lo 9 d'abriu de 1865.

Aquela eissida foguèt una victòria fòrça importanta per leis Estats Units car entraïnèt la disparicion de la principala armada sudista. De mai, permetèt ai fòrças federadas dau teatre orientau de se desplaçar sus d'autrei frònts. Egalament en dificultat dins aquelei regions, lei Sudistas deguèron pauc a cha pauc se rendre, çò que menèt a la fin de la [[Guèrra de Secession en junh de 1865.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]