Camp del Vernet

Un article de Wikipèdia, l'enciclopèdia liura.
Anar a : navigacion, Recercar
camp, vista aeriana, 1942

Lo camp del Vernet d’Arièja es un camp d'internament francés situat sus la comuna del Vernet en Arièja, sul bòrd de la RN 20, al nòrd de Pàmias; foguèt creat en 1939, d'en primièr per internar los republicans espanhòls fugissent après la desfacha pendent la guèrra civila. Tanquèt en 1944.

Istoric[modificar | modificar la font]

Reconstitucion del camp en maqueta.

Un camp de refugiats espanhòls[modificar | modificar la font]

Lo camp del Vernet foguèt utilizat per amassar los 12 000 retirats espanhòls de la Division Durruti[1] a partir de 1939 , après la desfacha de la Segonda Republica Espanhòla. A la declaracion de la Segonda Guèrra mondiala, los estrangièrs « indesirables », los intellectuals antifaicistas, los membres de las Brigadas internacionalas son internats al Vernet dins de condicions terriblas descricha per l’escrivan Arthur Koestler, d'esperèl internat al Vernet d'octobre de 1939 a genièr de 1940 (La Lie de la terre[2]).

Cimentèri memorial.

Un camp d'internament pels josieus[modificar | modificar la font]

A partir de 1939, son internats totes los estrang!èrs considerats coma suspèctes o coma dangieroses per l’òrdre public. A partir de 1942, servís tanben de camp de transit pels Josieus arrestat dins la region, per l'administracion de Pétain dins un primièr temps puèi, pels Alemands a partir de novembre de 1942, après que passèron la linha de demarcacion. En junh de 1944, los darrièrs internats son evacuats e desportats a Dachau. Al total gaireben 40 000 personas de 54 nacionalitats foguèron internadas dins aquel camp, subretot d'òmes, mas tanben de femnas e d'enfants.

Luòcs de memòrias[modificar | modificar la font]

Los bastits del camp existisson pas mai, sonque demòran dos pilars de la pòrta de dintrada, d'un castèl d'aiga e d'ostals dels gardians. L'anciena gara del camp se trapa al bòrd de la RN 20 al nòrd de Pàmias[3] e s'i pòt veire un ancian wagon de tren, identic a aqueles qu'an transportat los internats cap als camps d'exterminacion. A l'interior, una placa identifica una quarantenat d'enfants josieus, edats de 2 a 17 ans, que foguèron desportats del Vernet cap Auschwitz lo 1ersetembre de 1942.

Al vilatge del Vernet, un musèu es consacrat al camp del Vernet. Per lo visitar, cal demadar a l'ostal de vila[4].

Lo cementari del camp, que se trapa sus la comuna de Saverdun, se visita. Compren, en mai de las tombas d'internats mòrt dins lo camp, diferentas estèlas fasent omenatges als internats (aquela dels antifaicistas e dels "Resistants europèus" e aquela dels internats persecutats dels Estudiants Josieus de França e placas dels deportats)[5]. Un espaci de memòria amb los panèls de totas las nacionalitats es plaçat a l'intrada del cimentèri.

Annèxes[modificar | modificar la font]

Nòtas e referéncias[modificar | modificar la font]

Nòtas[modificar | modificar la font]

Referéncias[modificar | modificar la font]

  1. histariege.com, Le Vernet : complément sur le Camp du Vernet lire (consulté le 13 novembre 2011).
  2. Site telerama.fr, « On peut aujourd'hui grimper dans le wagon.
  3. Site cheminsdememoire.gouv.fr, Camp d'Internement du Vernet-d'Ariège (09) [1] (consulté le 13 novembre 2011).
  4. Site cheminsdememoire.gouv.fr, Musée du souvenir du Camp de Vernet Mairie (09) lire (consulté le 13 novembre 2011).
  5. modèl {{Ligam web}} : paramètre « url » mancante paramètre « titre » mancant

Bibliografia[modificar | modificar la font]

  • Delpla, Claude, "Le camp du Vernet d'Ariège 1939-1945", dans Les camps du Sud-Ouest de la France; exclusion et déportation, 1939-1944, Toulouse, éditions Privat, 1994.
  • Maugendre Maëlle, De l'exode à l'exil : l'internement des Républicains espagnols au camp du Vernet d'Ariège de février à septembre 1939, Sudel, 2008 (ISBN 9782716202732).
  • Portier Pierre , Le Camp du Vernet d’Ariège ou les racines du désespoir ; la vie du camp de sa création en 1917 à sa disparition en 1947, Les Éditions du Champ de Mars, Saverdun, 1987.

Articles connèxes[modificar | modificar la font]

Ligams extèrnes[modificar | modificar la font]