Camp de Jasenovac
Lo camp de Jasenovac èra un camp de concentracion e un camp d'exterminacion croat de la Segonda Guèrra Mondiala. Subrenomat « l'Auschwitz croat », èra lo camp principau dau sistèma concentracionari croat e èra destinat a l'exterminacion dei judieus, dei Tziganes, dei Sèrbes e dei Croats non catolics. Mens perfecionnat que lei camps alemands, Jasenovac aviá pas de chambras de gas. En plaça, leis execucions èran realizadas ambé d'armas de fuòc, ambé d'armas blancas ò ambé de programas de trabalh extrèms qu'entraïnavan una mòrt de fam rapida. En causa de la manca de documents, lo nombre de victimas es mau conegut e leis estimacions varian de 60 000 a 800 000 mòrts.