Còfre

Arqueta medievala (s. XIII)

Un còfre, tanben nomenat arca (nord. oc. archa) o mala, es una caissa, normalament de fons rectangulara, de metal, de fusta, o d'autras materials, pintada o forrada dedins e barrada amb sarralha, per i gardar de vestits o d'autres objèctes. Si a lo cobertor plan s'acostuma a dire arca, quand aqueste a mants versants s'anomena còfre. Quand a la cabucèla arredondida, se sòl nomenar mala.

Mala

Una mala es una caissa relativament granda, amb laa cabucèla leugièrament arrodondida o de còps plana, usada tradicionalament per i gardar vestits o d'autres causas, besonhas o bagatges, e tanben per transportar aqueles objèctes, coma la valisa dels temps ancians. Dins los ostals se plaçavan sovent al pè del lièch, per un usatge personal e coma banqueta, o tanben als corredors, per un usatge mens personal, coma per i plegar los vestiments maisonièrs. Podián tanben aparéisser en los estables, èca., per i plaçar equipatge.

Arca

Una arca es una caissa relativament granda per gardar d'objèctes de valor. Lo fach de la considerar caissa o arca depend de l'usatge que se'n fa, se s'i gardan d'objèctes de tipe mai utilitari se'n sòlen dire de caissas. Qualques arcas amb istòria son l'Arca de Noè, qu'es pas mai una arca mas un vaissèl que semblava téner la forma d'una arca.

Caissas de nòvia

Las caissas de nòvia èran tipicas e abitualas. S'usavan per gardar los vestits e lo noviatge (verquièra o dòt o legitima) de la nòvia.

Arqueta

Una arqueta es una bóstia pichona e rectangulara de metal, de fusta, d'evòri o d'un autre material, barrada amb sarralha, per i gardar de joièls, documents o autres objèctes de valor. Pòt aver una cubrecèla plana o, mai comunament, amb plusors vessants. Las arquetas pòdon èsser fòrça elaboradas e ricament ornamentadas, qualques unas son consideradas d'òbras d'art.

Vejatz tanben

• Arqueta de sant Esteve, conservada al MNAC
• Arquimesa