Boneta (riu)
| Boneta | |
|---|---|
 Sent Antonin : lo canal de Bessarèl | |
| Caracteristicas | |
| Longor | 24,9 km |
| Bacin | 179 km2 |
| Bacin collector | Garona |
| Debit mejan | 1,27 m3⋅s-1 |
| Riu | |
| Font | Massís Central |
| · Localizacion | La Garda |
| · Coordenadas | 44° 18′ 52″ N, 1° 49′ 53″ E |
| Geografia | |
| Païses traversats | França |
| Regions traversadas | Occitània |
Boneta es un riu occitan de Tarn e Garona ; raja entremièg lo Causse de Cailutz e la Tèrrafòrt Roergata. Es un afluent d'Avairon en riba drecha.
Geografia
[modificar | Modificar lo còdi]Longa de 24,9 km[1], Boneta nais dins la comuna de La Garda, e s'escampa dins Avairon a Sent Antonin.
Comunas traversadas
[modificar | Modificar lo còdi]Afluents màger
[modificar | Modificar lo còdi]- lo riu de Sent Laurenç 10,1 km
- lo riu de Laval 5 km
- lo riu de Cròsa 4,6 km
- lo riu de Caudasaigas 4,9 km
- lo riu de Gorga 5,2 km
Idrologia
[modificar | Modificar lo còdi]Boneta es un riu moderadament abondós.
Boneta a Sent Antonin
[modificar | Modificar lo còdi]Son debit foguèt observat sus un periòde de 41 ans (1968-2008), a Sent Antonin a la confluéncia amb Avairon[2]. Lo bacin versant del riu i es de 179 km2, gaireben la totalitat d'aquel.
Lo modul del riu a Sent Antonin es de 1,27 m3/s.
La Boneta presenta de variacions sasonièras de debit plan marcadas, amb d'aigas nautas d'ivèrn e prima portant lo debit mensual mejan a un nivèl situat entre 1,90 e 2,78 m3/s, de decembre a abril comprés (amb un maximum en febrièr), e d'aigas bassas d'estiu, de julhet a setembre comprés, amb una baissa del debit mejan mensual fins a 0,152 m3/s al mes d'agost, çò qu'es plan bas. Pasmens las variacions realas sus de corts periòdes son encara mai importantas.
Estiatge
[modificar | Modificar lo còdi]A l'estiatge, lo VCN3 pòt càser fins a 0,031 m3/s, en cas de periòde quinquenal sec, siá 31 litres per segonda, lo cors d'aiga perdent alara mai de 97 % de son debit mejan.
Aigats
[modificar | Modificar lo còdi]Los aigats pòdon èsser pro importants, caracteristica comuna a fòrça afluents de Garona.
Lo debit instantanèu maximal registrat a Sent Antonin pendent lo periòde d'observacion, foguèt de 48,1 m3/s lo 30 d'abril de 2001, alara que la valor jornalièra maximala èra de 37,6 m3/s lo 24 d'abril de 1988.
Lama d'aiga e debit especific
[modificar | Modificar lo còdi]La Boneta es pas un riu pro abondent. La lama d'aiga rajant dins son bacin versant es de 225 millimètres annalament, çò qu'es plan inferior a la mejana dels bacins de Garona (384 millimètres al Mas d'Agenés), e d'Avairon (347 millimètres). Lo debit especific (o Qsp) del riu es de 7,1 litres par segonda e per quilomètre carrat del bacin.
Notas e references
[modificar | Modificar lo còdi]Referéncia
[modificar | Modificar lo còdi]- ↑ Modèl:Sandre
- ↑ Banque Hydro - MEDDE, « Synthèse de la Banque Hydro - La Bonnette à Saint-Antonin-Noble-Val (O5685010) » (consulté le 15 juillet 2014)Modèl:Hydro