Beaufort (formatge)

Beaufort

País d'origina

França

Region, ciutat

Savòia

Lach de

lach de vaca

Apelacion, dempuèi

AOC, 1968

Identificants

Wikimedia Commons prepausa de documents multimèdia liures sus Beaufort (formatge).

Lo Beaufort es un formatge francés de Savòia a basa de lach de vaca que benefícia d'una AOC dempuèi 1968^[1]. L'aira d'apelacion cobrís 400 000 ectaras dins l'èst del departement de Savòia, dins tres vals, Beaufortain, Tarentaise e Maurienne (en mai una part de la val d'Arly). L'afinatge es de 5 mes minimum e lo pes es de 20 à 70 kg. En 2005 la produccion de Beaufort foguèt de 4 150 tonas siá 103.000 formatges. Per fabricar 1 kg de formatge un pauc mai de 10 kg de lach de vaca es necessari^[2].

La produccion de lach[modificar | modificar la font]

L'alimentacion de las vacas es facha, l'ivèrn, del fen recoltat aval bas dels alpatges, per de pradas ont los engenhs de fenason pòdon evoluir. La crompa de forratge fòra l'aira d'apelacion se pòt far segon un respècte estricte del casèrn de las cargas^[3] e los aliments fermentats, produchs per ensilatge, son enebits^[4].

A la prima, las vacas sortisson la jornada per las pradas e dintran lo vèspre a l'estable. A la fin de mai o debuta de junh, montan a l'alpatge. Es la transumància que dona luòcs a de manifestacions festivas tradicionalas. L'estiu, los tropèls se noirisson d'èrbas dels alpatges pasturats entre 1 500 e 2 500 m d'altitud. Un pichon complement pòt èstre distribuït excepcionalament : durant lo vedelatge, per escar lo tropèl a l'ora de la molzuda, en cas d’accident climatic etc...^[5] mas deu èstre limitat en quantitat e dins lo temps.

La produccion es limitada a 5 000 kg de lach per animal e per an. Aquela quantitat es calculada sus la mejana de tot lo tropèl d'un elevaire.