Batrachognathus

Un article de Wikipèdia, l'enciclopèdia liura.
Sauter à la navigation Sauter à la recherche
Batrachognathus ei un des pterosaures trapats en es tudons asians de Tien pendent eth segle XX.

Es depaus jurassics de Cazacstan an sigut, pendent ans, famosi per sòns fossils. Es pèires caucinoses deth cretacèu superior des montanhes Karatau, en eth nòrd-oèst des tudons de Tien an dat fossils d'insectes e ues condicions excellentes e plan parières peth que hè ara fauna trapada enes strata de Solnhofen, en Baviera, d'aperaquí era madeisha edat.

Un pterosaure de Karatau siguec prumèr descrit en 1948. Ère ua esqueleta incompleta damb troçi d'un cran e ua maissa, vertebres, costelhes e dents, 24 des quals ena maissa superior. Es sues dimensions suggereishen un cran cuert e naut de 48 mm de longada damb ua boca coma era d'ua gargolha. Pr'açò siguec aperat Batrachognathus volans (maissa de gargolha voladora). De segur que siguec un pterosaure insectivòr que gahava es insectes pendent eth vol.

Aguest pterosaure bremba plan eth mès petit Anurognathus des strata de Solnhofen, en Baviera. Se sap pas se Batrachognathus de Karatau auia ua coa petita mès es sues caracteristiques èren plan parières as d'Anurognathus. Açò hè pensar que poderie éster dera familha des Anurognathidae. Sonque dus individús de Batrachognathus an sigut trapats. Ére un pterosaure rhamhorrhyncoidea petit damb ua ala de sonque 50 cm.

Hònt: The Illustrated Directory of Dinosaurs and Other Prehistoric Creatures, Greenwich editions, 2005.