Batalha de la Nòva Orleans (1862)
La batalha de la Nòva Orleans se debanèt dau 16 d'abriu au 1èr de mai de 1862 durant la Guèrra de Secession. Opausèt un còrs expedicionari e una flòta nordista dirigit per l'amirau David Farragut ai garnsions sudistas cargadas de protegir la vila. Pasmens, lei [Estats Confederats d'America|Confederats]] avián negligit d'organizar una defensa eficaça. Ansin, en defòra dei fòrts Jackson e Saint Philip que resistiguèron dau 16 au 28 d'abriu, lei Nordistas trobèron ges de resisténcia significativa e la vila foguèt aisament conquista après la capitulacion dei doas garnisons.
En causa de son importància, la Nòva Orleans foguèt l'enjòc d'una còntra-ofensiva dau Sud. Pasmens, de problemas d'organizacion alentiguèron lo projècte, çò que permetèt ai Nordistas de renfòrar sei defensas e de reprimir durant lei faccions pus favorablas a la Confederacion. Ansin, l'ataca sudista foguèt aisament arrestada a la batalha de Baton Rouge lo 4 d'aost de 1862.