Batalha de Wizna

Aqueste article es redigit en provençau.
Un article de Wikipèdia, l'enciclopèdia liura.

Placas commemorativas de la batalha sus lei rèstas d'una casamata polonesa de Wizna.

La batalha de Wizna se debanèt dau 7 au 10 de setembre de 1939 durant la Segonda Guèrra Mondiala. Foguèt la consequéncia d'una ataca alemanda còntra la posicion polonesa fortificada de Wizna. Maugrat son inferioritat numerica (720 òmes ambé 6 canons còntra 42 200 òmes sostenguts per 350 carris e 657 pèças d'artilhariá), la garnison polonesa menada per lo capitani Władysław Raginis assaièt de tenir sei posicions e refusèt de capitular. Capitèt de resistir tres jorns avans d'èsser quasi totalament anientada ambé la mòrt de 650 soudats. Un quarantenau foguèron capturats mai un trentenau de subrevivents capitèron de passar lei linhas alemandas per s'escapar. De son caire, la Wehrmacht perdiguèt au mens 900 tuats e 10 carris dins lo corrent dei combats.

La batalha permetèt d'alentir l'ofensiva generala deis Alemands dins lo nòrd dau país durant tres jorns mai aguèt finalament ges d'influéncia sus l'eissida de la guèrra. En revènge, la resisténcia eroïca dei defensors es sovent comparada per lei Polonés amb aquela dei soudats espartencs a la batalha dei Termopilas.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]