Batalha de Tit
Era Batalha de Tit se debanèc en Tit, d'aperaquí 50 km ath nòrd-oèst de Tamanrasset e ei un episodi important dera istòria des Companhies Meharistes Saharianes entre aguestes e atacants toareg. Se cre que siguec ua revenja pera tuadera dera mission Flatters.
Descripcion[modificar | Modificar lo còdi]
Aguesta batalha siguec dirigida eth 7 de mai de 1902 peth lòctinent Cottenest, qu'avie era ajuda des Goum d'In Salah. Atau, un gran nombre de toaregs dera tribú de Kel Ahaggar, dera region montanhosa deth Hoggar argerian sigueren derrotadi totauments.
Era tropa meharista ère compausada per 90 meharistes de tribús ligades a França pr'amor que cad'ua avie d'enviar ara guèrra un contingent. Damb aguesti soldats, Cottenest, completèc es efectius enquia 130 fusils en tot i adjónher 40 moghaznis, era majoritat des quaus èren Châamba d'Ouargla.
Cottenest, qu'ère eth solet francés que i aguec ena batalha [1]. Eth 7 de mai de 1902, en eth vilatge de Tit, en Argeria, Cottenest, siguec atacat pes toareg, e aguèc era victòria, damb solament tres mòrts e un dotzenat de herits. Es pèrtes des toareg arribaren a 84 mòrts e nombrosi herits. Eth cap touareg Mohammed Ag Bessat tanben moriguèc.
Bilanç[modificar | Modificar lo còdi]
Pr'amor d'aguesta batalha tota era region deth Hoggar demorèc daurida as francesi. Moussa ag Amastan, cap d'un grop de tribús des Toareg, avie refusat d'i participar.
Referéncias[modificar | Modificar lo còdi]
- ↑ Jeremy Keenan, « The lesser gods of the Sahara: social change and contested terrain amongst the Tuareg of Algeria », Taylor & Francis, 2004, (ISBN 0714684104), note 16, p.48