Batalha de Suixian-Zaoyang
La batalha de Suixian-Zaoyang se debanèt dins lo corrent de la Segonda Guèrra Mondiala dau 20 d'abriu au 24 de mai de 1939. Foguèt la consequéncia d'una ofensiva japonesa còntra lei vilas de Suixian e de Zaoyang. Aquò èra destinat a completar la victòria japonesa de Wuhan qu'aviá permés a l'armada imperiala de renfòrçar sei posicions en China Centrala. Lo 7 de mai, lei doas vilas foguèron conquistadas mai lo 15, lei tropas de l'Armada Nacionala Revolucionària ataquèron lei Japonés per darrier. Après tres jorns de combats violents, lei soudats japonés deguèron se retirar e abandonar Zaoyang (19 de mai) e Suixian (23 de mai).
Durant la batalha, lei Chinés perdiguèron aperaquí 9 000 òmes còntra 13 000 per lei Japonés.