Batalha de Sardarabad
La batalha de Sardarabad se debanèt dau 24 au 26 de mai de 1918 dins lo corrent de la Premiera Guèrra Mondiala. Opausèt una armada otomana ai tropas armenias. S'acabèt per una victòria armenia que permetèt de blocar l'avançada turca a un quarantenau de quilomètres d'Erevan e d'empachar la destruccion de l'Armenia independenta que foguèt oficialament proclamada dos jorns pus tard. Pasmens, en despiech de son succès, lo govèrn armèni deguèt acceptar de condicions de patz duras e autorizar lo passatge de tropas otomanas sus son territòri.
La remembrança es totjorn celebrada en Armenia e un monument commemoratiu foguèt bastit en 1968 per l'Armenia Sovietica.