Batalha de Kamenets-Podolsky
La batalha de Kamenets-Podolsky se debanèt dins lo corrent de la Segonda Guèrra Mondiala dau 25 de març au 15 d'abriu de 1944. Foguèt la consequéncia d'una temptativa de l'armada sovietica d'enceuclar e d'anientar la 1a Armada blindada alemanda. La premiera etapa d'aqueu plan foguèt una capitada e 200 000 soudats alemands foguèron enceuclats en Ucraïna Occidentala durant lo mes de març. Pasmens, sota la direccion dau generau Hans-Valentin Hube e dau marescau Erich von Manstein, leis Alemands rompèron lei linhas sovieticas e s'enfugiguèron de l'enceuclament.