Barriera de glaç
Una barriera de glaç (ò plataforma de glaç) es un tipe de glacier qu'es lo prolongament d'un indlandsis sus la mar. D'una espessor de 100 a 1 000 m, lei barrieras de glaç avançan gràcias a la pression exercida per lo rèsta dau glacier. Puei, se dislocan lentament per formar d'icebergs per destacament dei glaç.
Lei barrieras de glaç son un fenomèn qu'aparéis dins lei regions polaras. Au començament dau sègle XXI, lei pus importantas se tròban en Antartida. En particular, lei barrieras de Ross e de Filchner-Ronne avián una superficia de mai de 400 000 km². Dins lei regions articas, lei barrieras de glaç actualas son lei vestigis de formacions que datan dau darrier periòde glaciari. Ocupan de superficias feblas (quauquei centenaus de quilomètres carrats) e son en cors de disparicion rapida en causa dau rescaufament climatic[1].
Liames intèrnes
[modificar | Modificar lo còdi]Bibliografia
[modificar | Modificar lo còdi]Nòtas e referéncias
[modificar | Modificar lo còdi]- ↑ En Canadà, la barriera de M'Clintock dispareguèt entre 1963 e 1965 e la barriera de Markham se desintegrèt en 2008. En Russia, la barriera de Matusevich dispareguèt en 2012.