Ban Chao
Ban Chao (32-102) foguèt un generau chinés dau periòde Han. Èra lo fraire l'istorian Ban Gu (32-92). Cargat de l'administracion dei territòris chinés d'Asia Centrala, luchèt còntra lei nomadas xiongnus e restabliguèt la dominacion chinesa sus lo Bacin de Tarim gràcias a una tiera de campanhas militaras menadas entre 73 e 102. Dins lo corrent de seis expedicions, agantèt la frontiera ambé l'Empèri Part e la Mar Caspiana e assaièt d'establir de relacions ambé l'Empèri Roman en 97. Se retirèt a la Cort Imperiala de Luoyang en 102 e i moriguèt rapidament. Aguèt ges de sucessor eficaç e son òbra s'afondrèt rapidament après sa disparicion.