Břetislav Novotný

Un article de Wikipèdia, l'enciclopèdia liura.

Břetislav Novotný, nascut lo 10 de genièr de 1924 a Vsetín, en Checoslovaquia (ara en Republica Chèca), mòrt lo 22 d'octobre de 2019, es un violonista que participèt al primièr Qüartet de Praga (1920-1955), tanplan coma al segond (1955-2001).

Biografia[modificar | Modificar lo còdi]

Aprèp los estudis segondaris, ensagèt en 1943 d'estudiar al Conservatòri de Praga, pr'aquò las autoritats alemandas d'ocupacion li permetèron pas e deguèt trabalhar coma obrièr en una fabrica d'armaments a Vsetín. A la fin de la guèrra, en 1945, comencèt los estudis de violon al Conservatòri de Praga. De 1954 a 1955 (informacions pas claras sus las annadas precedentas e sus son ròtle de primièr violon del Qüartet de Praga : veire l'istoric sus la Wikipèdia chèca), Břetislav Novotný foguèt lo segond violon del primièr Qüartet de Praga (1920-1955) , puèi, quand aquel ensemble se separèt, fondèt, ambe l'acòrdi de Ladislav Černý, altista del qüartet, un qüartet novèl del meteis nom, (Kvarteto města Prahy), lo Qüartet de Praga (en chèc Kvarteto města Prahy, en alemand Prager Streichquartett, en anglés Prague String Quartet), que ne demorèt lo primièr violon d'aquí a la fin, en 2001. Tanben, de 1954 a 1961, foguèt lo primièr violon (en alemand, lo Konzermeister) de l'Orquèstra sinfonica de Praga.

En mai d'aquò, Břetislav Novotný faguèt una carrièra de solista. En 1969, enregistrèt en çò de Supraphon las Sonatas e Partitàs de Joan Sebastian Bach. De 1972 a 1990, Břetislav Novotný foguèt lo conselhièr artistic de l'Orquèstra de Cambra de Praga e, de 1991 a 1993, faguèt çò meteis per l'Orquèstra de Cambra Suk (en chèc Sukův komorní orchestr, en anglés Suk Chamber Orchestra). De 1988 a 2007, foguèt lo cap d'orquèstra de l'Orquèstra filarmonica de la Boèmia del Sud (en chèc, Jihočeská filharmonie, en anglés, South Czech Philharmonic), a České Budějovice[1].

Nòtas[modificar | Modificar lo còdi]

  1. https://web.archive.org/web/20191124015225/http://novotny-bretislav.com/en/cv.html