Australopithecus anamensis

Un article de Wikipèdia, l'enciclopèdia liura.
Salta a la navegació Salta a la cerca

Australopithecus anamensis ei ua espècie ominina que demorèc hè 4 milions d'ans. S'an trapat prèp de 100 fossils en Kenya (1)(2) e Etiopia (3) que hèn uns 20 individús aperaquí. Se conferma qu'A. anamensis ère un ancessor d'A. afarensis que contunhèc evolucionant ena sua linha (4). Es evidencies fossils determinen qu'Australopithecus anamensis ei ua espècie d'ominin mès anciana ena conca de Turkana (5). Coma que s'a pogut pas trapar mès fossils qu'ei malaisit de parlar de disparietats dab d'autes ominins ancians.


En 1995 leakey e sòns collegues classaren aguest fossil coma una naua espècie; A. anamensis.


Descurbiment[modificar | modificar la font]

Eth prumèr fossil qu'es trapèc d'aguesta espècie siguec pas arreconeishuda coma tal ena sua epoca. Ère un troç d'umer trapat en tèrres deth Pliocèu ena region de Kanapoi en er èst der lac Turkana. Ua equipa de recercaires dera Universitat de Harvard ac trapèc en 1965 (7): eth fossil siguec classat en aquera epoca coma Australopithecus dab ua edat de 4 milions d'ans. Un metode utilizat tà determinar era edat des fossils de Kanapoi ère comparar era fauna deth moment e atau confermar ua edat demest 4 e 4.5 milions d'ans (8). Pauca mès informacion s'auec enquia 1987 quan er arqueològ canadian Allan Morton (amassa dab era Escola de Camp de Koobi Fora dera Universitat de Harvard) descurbiguèc diuersi troçi d'uassi en un turon en Allia Bay, en eth lac Turkana, en Kenya.

En 1994 era paleoantropològa kenyana Meave Leakey e er arqueològ Allan walker escauaren en Allia Bay e descurbigueren diuersi troçi d'ominin, includint ua maissa inferior sancera que sembla coma era d'un chimpanzé comun (pan troglodytes). Totun, es sues dents que son parières as d'un uman. Segontes es evidencies postcranials, A. anamensis sembla qu'ère bipede tot e que encara auia quauques traches primitivi en sòns membres de denaut (9).

En 1995 Meave Leakey e sòns collegues arremercaren es disparietats demest Australopithecus afarensis e es naues trobalhes e les classaren coma una naua espècie, A. anamensis, sòn nom que veniá dera paraula Turkana anam que vò díder lac (1). Leakey determinèc qu'aguesta espècie ère independent d'autes. I a pas nat dralha que conferme qu'ei ua espècie intermieja.

Tot e que era equipa trapèc pas nat anca, pè o cama, Meave Leakey crè qu'Australopithecus anamensis tamben pujaua as arbes. Aguesta conducta tamben l'auien es ominins mès ancians enquia era arribada des espècies Homo hè 2.5 milions d'ans. A. anamensis a traches parions dab Australopithecus afarensis e poderiá èster que seguesse eth sòn ancessor. es fossils d'A. anamensis qu'an demest 4.2 e 3.9 milions d'ans (10) dab ues trobalhes recentes de sequencies estratigrafiques datades demest 4.1 e 4.2 milions d'ans (3). Es fossils aurien sigut trapats demest dus solines de cendres e datats demest 4.17 e 4.12 milions d'ans, era madeisha epoca des fossils d'Australopithecus afarensis.

Es fossils (21 en total) includissen maisses de naut e de baish e troçi d'ua tibia. Es troçi d'umer trapadi hè 30 ans en er madeish lòc en Kanopoi tamben an sigut adara classats coma dera madeisha espècie.

En 2006 ua naua trobalha d'A. anamensis siguec anonciada e s'estenguèc eth sòn territori enquia Etiopia. Que i a un lòc conegut coma Asa Issie qu'a dat 30 fossils d' A. anamensis (11). Aguesti, qu'èren en un paisatge de bòsc e includissen eth canin d'ominin mès gran jamès trapat e tamben eth femur d'Australopithecus mès ancian jamès trapat (3). Era trobalha se trapèc en Middle Awash, territori de diuersi Australopithecus moderni en sonque mens de 10 quilometres e luenh deth lòc de descurbiment d'Ardipithecus ramidus, era mès moderna espècies d'Ardipithecus jamè trapada.

Sonque 200.000 annadas desseparen era espècie d'Australopithecus anamensis dera seguenta Ardipithecus ramidus

Ardipìthecus ère un ominin mès primitiu e ocupariá eth lòc just sos Australopithecus laguens er arbe dera evolucion. Era trobalha d'A. anamensis a aperaquí uns 4.2 milions d'ans mentres qu'era d'Ardipithecus ramidus 4.4 milions d'ans dab sonque 200.000 annadas demest es dus espècies e aucupen un lòc enquia adara ued ena epoca des ominins pre-australipthecids (12).

Environament[modificar | modificar la font]

Australopithecus anamensis siguec trapat en Kenya, en Allia Bay, en er èst de Turkana. Es analises de dades d'isotopes estables parlaren de sòn environament: i auia mès territoris de bòsc serrat ath tòrn deth lac Turkana que non pas aué. Era grana densitat de bòsqui en Allia Bay ère ath long der arriu Omo. Se pensa tamben que i auia mès savana duberta mès enlà, enes tèrres nautes. Eth clima d'Allia Bay tamben se cre qu'ère mès umid. Totun, açò qu'ei pas definitiu e poderiá éster que tamben i aguessen de noguièrs, e mentres que cau hèr mès recerca scientifica (13).

Dieta[modificar | modificar la font]

Es estudis en detalh des molars fossils d'Australopithecus anamensis mostren que i a plan d'estries. Açò qu'ei parièr as molars de goriles e hè pensar qu'Australopitehcus anamensis auia ua dieta qu'era totemps era madeisha independentments de se er environament cambiaua o non.

Era evidencia des isotòps sus era dieta des espècies ominines ena conca de Turkana mès anciana ei d'Australopithecus anamensis. Açò que suggereish qu'era sua dieta es basaua en hònts de C3 basicauments, mès tamben i a era chance que cerqués hònts de C4 derivades. Uns 1,99 a 1,67 milions d'ans dempús , dus ominins cercaren encara de consumir mès hònts de C4. E encara se sap pas era causa(15).

Tà vèder tamben[modificar | modificar la font]

  • List of fossil sites (with link directory)
  • List of human evolution fossils (with images)

Referències[modificar | modificar la font]

  1. a b M. G. Leakey, C. S. Feibel, I. MacDougall & A. Walker (1995-08-17). "New four-million-year-old hominid species from Kanapoi and Allia Bay, Kenya". Nature 376 (6541): 565–571. Bibcode:1995Natur.376..565L. doi:10.1038/376565a0. PMID 7637803.
  2. M. G. Leakey, C. S. Feibel, I. McDougall, C. Ward & A. Walker (1998-05-07). "New specimens and confirmation of an early age for Australopithecus anamensis". Nature 393 (6680): 62–66. Bibcode:1998Natur.393...62L. doi:10.1038/29972.PMID 9590689.
  3. a b c T. D. White, G. WoldeGabriel, B. Asfaw, S. Ambrose, Y. Beyene, R. L. Bernor, J.-R. Boisserie, B. Currie, H. Gilbert, Y. Haile-Selassie, W. K. Hart, L. J. Hlusko, F. C. Howell, R. T. Kono, T. Lehmann, A. Louchart, C. O. Lovejoy, P. R. Renne, H. Saegusa, E. S. Vrba, H. Wesselman & G. Suwa (2006-04-13). "Asa Issie, Aramis and the origin of Australopithecus". Nature 440(7086): 883–889. Bibcode:2006Natur.440..883W. doi:10.1038/nature04629. PMID 16612373.
  4. Kimbel, William (2006). "Was Australopithecus anamensis ancestral to A. afarensis? A case of anagenesis in the hominin fossil record". Journal of Human Evolution 52 (2): 134 Extra |pages= or |at= (help).
  5. Cerling, Thure E. (June 25, 2013). "Stable isotope-based diet reconstructions of Turkana Basin hominins". PROCEEDINGS OF THE NATIONAL ACADEMY OF SCIENCES OF THE UNITED STATES OF AMERICA 110 (26): 10501 Extra |pages= or |at=(help). doi:10.1073/pnas.1222568110. Retrieved 24 October 2014.
  6. haille-salasie, yohannes. "Phylogeny of early Australopithecus: new fossil evidence from the Woranso-Mille (central Afar, Ethiopia). .". ebscohost. Philosophical Transactions of the Royal Society B: Biological Sciences. Retrieved 24 October 2014.
  7. Ward, C; Leaky, M; Walker, A (1999). "The new hominid species Australopithecus anamensis". Evolutionary Anthropology 7 (6): 197.
  8. Ward, C; Leaky, M; Walker, A (1999). "The new hominid species Australopithecus anamensis". Evolutionary Anthropology 7 (6): 197.
  9. C.V., Warda. "Morphology of Australopithecus anamensis from Kanapoi and Allia Bay, Kenya". sciencedirect.com. Retrieved 24 October 2014.
  10. McHenry, Henry M (2009). "Human Evolution". In Michael Ruse & Joseph Travis (eds). Evolution: The First Four Billion Years. pp. 256–280. ISBN 978-0-674-03175-3. (see pp.263-265)
  11. Ward, Carol; Manthi, Frederick (September 2008). "NEW FOSSILS OF AUSTRALOPITHECUS ANAMENSIS FROM KANAPOI, KENYA. AND EVOLUTION WITHIN THE A. ANAMENSIS-AFARENSIS LINEAGE". Vertebrate Paleontology 28 (3): 501–502.
  12. Seth Borenstein. "New fossil links up human evolution". USA today.
  13. Schoeninger, Margaret (September 2003). "Paleoenvironment of Australopithecus anamensis at Allia Bay, East Turkana, Kenya: evidence from mammalian herbivore enamel stable isotopes". Journal of Anthropological Archaeology 22 (3): 200.
  14. Peter, Ungar; Robert, Scott; Frederick, Grine; Mark, Teaford. "Molar microwear textures and the diets of Australopithecus anamensis and Australopithecus afarensis". The Royal Society. Retrieved 23 October 2014.
  15. Cerling, Thure E. (June 25, 2013). "Stable isotope-based diet reconstructions of Turkana Basin hominins". PROCEEDINGS OF THE NATIONAL ACADEMY OF SCIENCES OF THE UNITED STATES OF AMERICA 110 (26): 10501–10506.doi:10.1073/pnas.1222568110. Retrieved 24 October 2014.

Pàgines web

  • (ArchaeologyInfo.com) C. David Kreger, "Australopithecus anamensis"
  • PBS Origins of Humankind
  • Article about 2007 discovery (July 2007)
  • Australopithecus anamensis - The Smithsonian Institution's Human Origins Program