Asteraceae
Dotze inflorescéncias de la familha
| Règne | Plantae |
|---|---|
| Sosrègne | Tracheobionta |
| Division | Magnoliophyta |
| Classa | Magnoliopsida |
| Sosclassa | Asteridae |
| Òrdre | Asterales |
Asteraceae
Bercht. & J.Presl (1820)
Giseke (1792)
| Reng de precisar | Angiospermes |
|---|---|
| Reng de precisar | Dicotylédones vraies |
| Reng de precisar | Astéridées |
| Reng de precisar | Campanulidées |
| Òrdre | Asterales |
| Familha | Asteraceae |
Las Asteracèas (Asteraceae), tanben apeladas Compausadas, son una familha botanica qu'amassa mai de 23.000 espècias, amb una importanta riquesa e diversitat biologica. La familha es caracterizada per presentar de flors dispausadas en una inflorescéncia compausada apelada capitul enrodada d'una o mai de filas de bracteas (impliqui). Lo nom "Asteraceae" deriva del genre tipe de la familha Aster, tèrme que ven del grèc ἀστήρ que significa "estela" e fa allusion a la forma de l'inflorescéncia. Las compausadas presentan una considerabla importància ecologica e economica. Los membres d'aquesta familha se distribuisson dempuèi las regions polaras fins als tropics, en conquistant totes los abitats disponibles, dempuèi los desèrts fins als paluns e dempuèi las sèlvas fins als pics montanhòls. Dins fòrça regions del mond las compausadas arriban a integrar fins a 10% de la flòra vernaculara.
Son majoritariament de plantas erbacèas, e mai se la familha compren tanben d'arbres, d'arbrilhons o de lianas. Es especialament la familha dels pissaliechs, de las pimparèlas, de las margaridas e dels virasolelhs, de las cicòrias, de las lachugas e dels cardons.