Associacion generala dels estudiants de Montpelhièr

Lo Burèu de l'Associacion dels Estudiants de Montpelhièr a las festas del VI° Centenari, Ernest Michel, 1892.

L'Associacion generala dels estudiants de Montpelhièr (AGEM) es una associacion d'estudiants fondada lo 25 de febrièr de 1887 a Montpelhièr. Dissolguda dins las annadas 1990, se tornèt crear lo 8 de març de 2017.

Istòria

Creacion

L'Associacion Generala dels Estudiants de Montpelhièr foguèt fondada lo 25 de febrièr de 1887 dins l'amfiteatre de la facultat de letras. En 1890, per las fèstas del VIen centenari de l'universitat, l'AGEM recebèt, de las mans del president de la Republica Sadi Carnot, sa bandièra tricolòra amb lo nom de l'associacion e sa devisa : "Tout pour la Science - Tout pour la Patrie".

En 1891, s'inaugurèt lo local, lo "Cercle des étudiants", realizat per l'arquitècte Léopold Carlier e qu'es ara l'ostalet popular, luòc de mòstras fotograficas.

Actual "Pavillon Populaire", a l'origina local de l'Associacion.