Art de Nagada

L'art de Nagada qu'ei l'art deu temps preïstoric egipcian qui precedeish lo desenvolopament de l'escritura ieroglifica primitiva. Aqueth temps aperat Nagada qu'ei divisit en diferentas fasas Nagada I e II. Qu'ei un temps qui comença a l'entorn de -4000 entà acabà's a la debuta deu periòde tinita (o protodinastic) qui, dab lo cap de maçuga deu rei Òrus Escorpion e dab la Paleta de Narmer (duas òbras de la transicion enter los periòdes predinastic e tinita), que'ns conda la debuta de l'istòria egipciana dab l'expansion conquestaira de la Hauta Egipte e la soa unificacion dab la Baisha Egipte (deu dèlta de Nil).

Lo periòde Nagada qu'ei generaument divisit enter:

Nagada I o armratian(de -4000 dinc a -3500)
Nagada II o gersean(de -3500 dinc a -3300)
Periòde protodinastic o Nagada III (de -3300 dinc a -3000)

Deus periòdes nagada qu'avem mei que mei materiau funerari. Despuish lo Nagada I que i a ua produccion de vas en ceramica e d'objèctes en pèiras talhadas (vas escultats en bèth fretar la pèira dab sable, e paletas on s'a trobat traças de potingas, dilhèu afaits).

Ua de las òbras mei famosas deu Nagada II qu'ei lo cotèth deu Gebel el Arak (en silex dab lo manjo d'evòri) qui nse muisha un representacion hèra elaborada d'ua guèrra de mau interpretar. Aquesta mena d'òbra qu'anoncia las òbras tinitas protodinasticas mentavudas mei haut (qu'ei a díser lo cap de maçuga d'Òrus Escorpion e la paleta de Narmer).

Collecion deu Lovre d'artefacts deu Nagada

Representation itifalica d'òmi trovada a Nagada e datada deu millenni IV abC, Nagada I
Hemna d'evòri, Nagada I, Musèu deu Lovre
Vas d'argèla ondrat de gazèlas, Nagada II, Musèu deu Lovre
Vas d'argèla, Nagada II, Musèu deu Lovre
Pienti d'evòri d'ipopotam ostendant un boc, Nagada I, Musèu deu Lovre
Can de clorita, Nagada I, Musèu deu Lovre
Vas dab ua basa en forma d'ipopotam, Nagada I, Musèu deu Lovre
Vas ondrat de vaishèths, Nagada II, Musèu deu Lovre

Portal Egiptopèdia

Accedissètz dirèctament als articles de Wikipèdia concernent l'Egipte antica :