Arsinda de Comenge

Un article de Wikipèdia, l'enciclopèdia liura.
Sauter à la navigation Sauter à la recherche

Arsinda de Comenge (950 ? - + c.982)

Filha d'Arnaut Ièr (c.900 - 27 nov. de 957)[1], comte de Comenge e Carcassona e d'Arsinda de Carcassona (920 - 970)[2].

Biografia[modificar | modificar la font]

Arsinda de Comenge apelada de còps Arsenda de Comenge nasquèt probablament en 950[3]. Esposa Guilhèm Ièr, comte de Provença dich lo Liberator, filh de Boson II, comte de Provença e de Constança de Provença entre 968 e 970[4]. Morís en 982 o al pus tard abans 984, data del remaridatge de Guilhèm Ièr ab Adelaïda d'Anjau. Es probable que siá la maire d'Odila de Provença e de Guilhèm II de Provença.

Nòtas[modificar | modificar la font]

  1. Font JP De Palmas
  2. Font JP De Palmas
  3. La data de naissença d'Arsinda generalament fixada cap a 950 poiriá èsser mai anciana compte tengut que los enfants del comte Arnaut, son paire, son nascuts probablament dins los ans 935-945, aprèp 934, data de maridatge de sos parents. A aquel prepaus, de donacions efectuadas en 944 indican qu’Arsinda e Arnaut ja son maridats e an de filhs e filhas a aquela data (Cf. Dom Claude Devic e dom Joseph Vaissète, Histoire générale de Languedoc, t.2 page 559 (nòtas) e t.3 paginae 29). Arsenda seriá atal plan mai annadida que Guilhèm.
  4. Abans abril de 970 d'aprèp : Wilelmus comes Provincie et coniunx mea Arsinna faguèron donacion de tèrras a Sant Victòr de Marselha segon una carta d'abril de 970 (cf. Los comtes de Provença).