Armonica (musica)

Debuta d'ua seria armonica dab un son fondamentau (F) e las armonicas seguentas qui multiplican la frequéncia de F per 2, 3 e 4 ; 1, 2 e 4 que son la medisha nòta a octavas d'intervau.

Ua armonica en musica qu'ei un deus sons d'ua seria qui segueish un son fondamentau dotat d'ua frequéncia fondamentau. Cada armonica de la seria qu'ei un multiple sancèr naturau d'aquesta frequéncia.

Seria armonica a partir d'ua nòta fondamentau qui aqui b'ei un sol

En musica, cada còp qui la frequéncia b'ei doblada òm produseish la medisha nòta a l'octava superiora. Atau, per exemple, lo la deu diapason qu'ei dotat d'ua frequéncia de 440 hertz ; aquò que vòu díser que la nòta qui la soa frequéncia e ei de 880 hertz qu'ei alavetz tanben un la, mes mei agut.