Vejatz lo contengut

Archaeonectrus

Un article de Wikipèdia, l'enciclopèdia liura.
Archeonectrus ei un plesiosaure qu'a estat descrit coma un possible ancessor deth grop des pliosaures.

Archaeonectrus rostratus ei un reptil marin escantit dera familgha des plesiosaures. Demorèc pendent eth jurassic inferior (hè 190 milions d'annades). Es sues rèstes an sigut trapades en Anglatèrra e Siberia.

Descripcion[modificar | Modificar lo còdi]

Aguest plesiosaure hèia pauc mens de 4 m de longada e ère un predator marin damb ues caracteristiques ben adaptades ar ocean. Eth cos qu'ère plan e es aletes anteriors èren un pauc mès cuertes qu'es posteriors. Era coa ère cuerta e damb ues vertèbres que hèn pensar qu'avia ua espina caudal. Eth cran ère long e damb ues dents plan granes, coniques e ponchudes, entàth endarrèr. Eth còth ère cuert e sonque un còp e miei mès gran qu'eth cran.

Classament[modificar | Modificar lo còdi]

Enqüera non ei pas segur a quin grop de plesiosaures apertenhia Archaeonectrus. Poderie èster un ancessor des pliosaurids damb còth cuert e cran long coma hèn pensar quauqu'ues des sues caracteristiques. Mès tanben ei possible qu'aja desvolopat traches pròpis desparièrs des d'autes pliosaures e qu'açò seja un cas de convergencia evolutiva. Es sues vertèbres ja avien sigut classades coma plan particolars en 1865 per Richard Owen que'l descriguèc e classèc coma dens deth genre Plesiosaurus. Estudis hèts dempús (Benson e Druckenmiller en 2013) confermen qu'Archaeonectrus ère un rhomaleosaurid, un grop de plesiosaures primitivi damb un còth plan cuert e un cap plan gran.

Vida[modificar | Modificar lo còdi]

Archaeonectrus ère un predator marin de segur. Dilhèu ère especializat en caçar peishi de grana mesura. Es despulhes fossils sigueren trapades en Charmouth, Anglatèrra, qu'ena epòca avia un clima sostropical.

Bibliografia[modificar | Modificar lo còdi]

· Owen, R., 1865, Monograph of the Fossil Reptilia of the Liassic Formations. Part First: Sauropterygia. Palaeontographical society, p. 1-40. Novozhilov, N. I., 1964, Order Sauropterygia: In: orlov, J. a. (ed), Osnovy Paleontologii, v. 12, p. 309-332.

· H. F. Ketchum and R. B. J. Benson. 2010. Global interrelationships of Plesiosauria (Reptilia, Sauropterygia) and the pivotal role of taxon sampling in determining the outcome of phylogenetic analyses. Biological Reviews 85:361-392

·R. B. J. Benson, M. Evans, and P. S. Druckenmiller. 2012. High diversity, low disparity and small body size in plesiosaurs (Reptilia, Sauropterygia) from the Triassic–Jurassic boundary. PLoS ONE 7(3):e31838 R. B. J. Benson and P. S. Druckenmiller. 2013. Faunal turnover of marine tetrapods during the Jurassic–Cretaceous transition. Biological Reviews