Arbre (mecanica)

Un article de Wikipèdia, l'enciclopèdia liura.
Salta a la navegació Salta a la cerca
Arbre aparelhat a la presa de fòrça de l'atelatge d'un tractor agricòl.
Arbre de turbopropulsor.
Aissèl rèire de Škoda 422.

Un arbre es un organ mecanic transmetent una poténcia jos forma d'un parelh e d'un movement de rotacion[1]. La forma cilindrica d'aqueste organ es a l'origina de son nom.

Descripcion[modificar | modificar la font]

Los arbres de maquinas son mai sovent eissits de bruts fargats puèi usinat per tornatge. L'extrusion es tanben un biais corrent d'obtenir per aqueste mena de pèça. Son plan rarament eissits de bruts motlats, per de rasons de resistància mecanica insufisanta.

L'arbre pòrta mai sovent d'engranatges, carrèlas, volant d'inercia, manivèlas, pinhons de cadena o autres elements que transmeton una posicion angulara o una poténcia. Es un dels elements mecanics mai frequentament utilizats.

Selon sa geometria e sas foncions, un arbre pòt se qualificar de:

  • arbre de transmission, se transmet una poténcia d'un motor a una maquina o a un element de maquina;
  • arbre de retorn, se distribuís un movement de rotacion entre diferents elements.

La constrencha de torcedura es la sollicitacion màger qu'es somes un arbre. Aqueste tipe de sollicitacion implica que las constrenchas maximalas son a la superfícia de la pèça. La qualitat d'aquesta superfícia es donc un paramètre essencial per la resisténcia d'un arbre.

Seguent lo ròtle que deu téner, l'arbre pòt èsser tanben somes a de constrenchas de flexion (coma l'arbre excentric o de cama) e de carga axiala. Per aquestas escasenças, los esforces mecanics al sein de la matèria son sovent variables, al biais d'una sinusoïda. Aquò implica alara una resisténcia necessària a la fatiga.

Un arbre es mantengut per de palièrs, que permeton sa rotacion o empachan son desplaçament axial (arrestador).

Categorias[modificar | modificar la font]

Los arbres pòdon èsser classificats en doas categorias[2]:

arbres tornejants
coma l'arbre de transmission d'un camion que subís gaireben pas cap de constrencha en traccion/compression, mas que deu transmetre de fòrtas poténcias en rotacion ;
arbres fixes
se torneja pas, un arbre pren lo nom d'ais, d'aissèl, de tirant, de barra de torcedura, etc.

Nòtas e  referéncias[modificar | modificar la font]

  1. Définitions (fr) Definicions lexicograficas e etimologicas de Arbre (sens B2b) del CNRTL.
  2. Voir 2. Catégories d'arbres, sur maxicours.com, consulté le 12 janvier 2017.

Vejatz tanben[modificar | modificar la font]

Articles connèxes[modificar | modificar la font]