Andrieu Borguet

Lo deputat Andrieu Borguet dins son burèu en 1914

Andrieu Borguet (en francés André Bourguet, Sant Ipolit del Fòrt, 22 de mai de 1876 – Sant Ipolit, 29 de febrièr de 1936) foguèt un politician occitan del país cevenòl que foguèt deputat de Gard de 1910 a 1914. Èra lo conhat de Gaston Bosanquet.

Biografia

Nascut a Sant Ipolit del Fòrt en 1876, Andrieu Borguet faguèt d'estudis juridics e obtenguèt son diplòma de doctor en drech. Puèi dintrèt dins l'intendéncia militara abans de passar dins los cadres de resèrva. A Sant Ipolit dobriguèt una curatariá e a l'encòp organizèt e presidiguèt l'associacion departamentala del oficièrs de resèrva. Son entrepresa floriguèt e, gràcias al fach qu'èra famós dins l'airal per encausa de son activisme, venguèt president del tribunal de comèrci.

Malgrat qu'aviá pas cap d'afiliacion politica, se presentèt a las eleccions generalas legislativas dels 24 d'abril e del 8 de mai de 1910 dins la circonscripcion del Vigan. Foguèt elegit al segond torn. S'inscriguèt puèi dins lo grop de l'esquèrra radicala e dintrèt dins divèrsas Comissions (trabalh e estalvis). A mai se se presentèt pas a las eleccions generalas de 1914 obtenguèt un vòte. Tornèt a la direccion de l'entrepresa a Sant Ipolit e se moriguèt en 1936 quand aviá pas que 60 ans.

Aviá recebut lo guerdon de Cavalièr de la Legion d'onor.