Amàs dubèrt
Un amàs dubèrt es un amàs d'estèlas generalament constituït de 100 a 10 000 estèlas liadas entre elei per de la gravitat e situadas dins un espaci de 5 a 50 ans de diamètre. Totei leis estèlas de l'amàs an un temps quasi identic. Segon lei conoissenças actualas, un amàs dubèrt es format per la dissipacion dau nívol molecular aguent permés la formacion deis estèlas. Pauc a pauc, l'intensitat dei liames gravitacionaus demenís avans de disparéisser. Leis estèlas de l'amàs forman alora una associacion d'estèlas, tèrme que designa un ensemble d'estèlas amb de caracteristicas orbitalas similaras.