Alexa Meade

Un article de Wikipèdia, l'enciclopèdia liura.
Alexa Meade dins un autoretrach "Double Take" en 2010

Alexandra S. Meade, mai coneguda coma Alexa Meade (Washington, DC, 3 de setembre de 1986) es una pintora americana. Es especialista de pintura corporala e fa semblar sos modèls a de personatges bidimensionals sortits de quadres.

Biografia[modificar | Modificar lo còdi]

Enfància e estudis[modificar | Modificar lo còdi]

Alexa Meade del temps qu'èra a pénher un de sos subjèctes

Alexa Meade nasquèt a Washington D.C. en 1986 dins una familha amonedada, son paire Philip C. Meade es cap d'una firma de comptables. Cresquèt a Chevy Chase, un vilatge de l'estat de Maryland, e a l'entorn de sos 16 ans s'orientèt cap a l'escultura e a la politica. Mai tard faguèt los estudis universitaris en sciéncias politicas al Vassar College de Poughkeepsie, e a l'encòp seguissiá de corses d'escultura. Durant sa tresena annada d'universitat partiguèt durant un semèstre a Danemarc, per i estudiar la politica europèa a l'Universitat de Copenaga.

Començament de sa carrièra artistica[modificar | Modificar lo còdi]

Aquela estança europèa li faguèt comprendre que sentissiá mai d'interès l'art que per la politica. Participèt a la campanha electorala de Barack Obama e gràcias a aquela experiéncia s'avisèt que deviá laissar de caire la politica per s'avodar a l'art. Foguèt tre octobre de 2008 que comencèt sas experimentacions artisticas, e sa futura trajectòria se revelèt en mai de 2009 quand penhèt un amic sieu. Aquel meteis an obtenguèt son bachelierat universitari.

Tecnica picturala[modificar | Modificar lo còdi]

Meade aplica de pintura acrilica sus las gents, los objèctes, e mai las parets amb un estil que se sarra de l'aparéncia de la pintura tradicionala amb las traças dels pincèls.

Ligams extèrns[modificar | Modificar lo còdi]