Airal de Brocar
L'airal de Brocar es una de las doas principalas zònas del cervèl uman responsables del tractament del lengatge. Descobèrt pel mètge gascon Pau Brocar en 1861, se situa dins lo cortex cerebral al nivèl de la partida inferiora (o « pè ») de la tresena circonvolucion frontala de l'emisfèri dominant (esquerra per un dreitièr).
L'airal de Brocar es la zòna de produccion dels mots diches alara qu'una zòna diferenta del cervèl, l'airial de Wernicke, es responsable de la compreneson d'aqueles mots[1].
Descobèrta
[modificar | Modificar lo còdi]Es en 1861 que Brocar publiquèt los resultats de l'autopsia de Leborgne, un pacient afasic que subreviviá dempuèi fòrça ans, descrivent amb precision lo sèti de la ferida cerebrala responsable.
Pau Brocar pensava aver trobat lo centre unic del lengatge, mas aquò foguèt lèu nuançat per la descobèrta d'autras zònas implicadas dins lo lengatge, subretot pel neurològ polonés Carl Wernicke, que descriguèt l'airial de Wernicke una decennia pus tard.
Ligam extèrne
[modificar | Modificar lo còdi]- (fr) La zòna de Broca, tèxtes en linha e comentaris sul site BibNum.
Nòtas e referéncias
[modificar | Modificar lo còdi]- ↑ (fr)A las originas de las lengas e del lengatge, Librairie Arthème Fayard 2005, Jean-Jacques Hublin, p. 105