Acid ribonucleïc messatgèr
L'acid ribonucleïc messatgièr, ARN messatgièr, o ARNm (en anglés, mRNA, per messenger ribonucleic acid), es una molecula intermediària d'acid ribonucleïc (ARN), consistissent en una copia transitòria d'una porcion de l'ADN correspondent a un o mai d'un gèns d'un organisme biologic. L'ARNm es utilizat coma intermediari per las cellulas per la sintèsa de las proteïnas. Lo concèpte d'ARN messatgièr foguèt emés puèi demostrat per André Lwoff, Jacques Monod, François Jacob e sos collaborators a l'Institut Pasteur en 1961[1], çò que lor valguèt lo prèmi Nobel en 1965[2],[3].
L'ARNm es una copia simple brin lineaira de l'ADN compausada d'ARN, que compren la region codant una proteïna encadrada de regions non codantas. Es sintetizat jos la forma de precursor dins lo nuclèu de la cellula per un processus apelat transcripcion. Subís puèi mai d'una etapa de maturacion, sas doas extremitats son modificadas, d'unas regions non codantas sonadas introns pòdon èstre excisadas perun processus apelat epissatge. L'ARNm maturat es exportat dins lo citoplasma ont es traduit en proteïna per un ribosòma. L'informacion portada per l'ARNm es constituïda d'una seria de codons, de triplets de nucleotids consecutius que codan cadun un acid aminat de la proteïna correspondanta. L'encadenament d'aqueles codons constituís lo gèn propriament dit o cistron. La correspondància entre codons e acids aminats constituís çò que se ditz lo còde genetic.
- ↑ «Découverte de l’ARN messager, en 1961». Institut Pasteur.
- ↑ Messenger RNA: origins of a discovery, Commentaire publié dans Nature par Alvin M. Weinberg
- ↑ «An unstable intermediate carrying information from genes to ribosomes for protein synthesis.».