Abu Muslim al-Khurasani

Abu Muslim al-Khurasani (718 o 719, Isfahan - 755) fuguèt un generau abbassida. Aguèt un ròtle decisiu dins la casuda dau Califat Omeia entre 747 e 750. Pasmens, vengut fòrça poderós, fuguèt assassinat per lei califas novèus en 755. Sa mòrt entraïnèt una tièra de revòutas dins la region de Pèrsia que son dichas Revòutas dei Companhons d'Abu Muslim e que s'acabèron solament en 783.