AMX-40
L’AMX-40 èra un prototipe de carri de combat principau francés desvolopat dins lo corrent deis ans 1980. Blindat intermediari entre l'AMX-30 e l'AMX-56 Leclerc, èra principalament destinat ai mercats d'exportacion vèrs l'Orient Mejan. De concepcion classica, dispausava d'un canon principau de 120 mm e d'un canon mitralhaire de 20 mm. Sa velocitat maximala èra de 70 km/h per una massa de 43,7 tonas. Pasmens, se son blindatge èra impressionant au començament deis ans 1980, la multiplicacion deis armaments anticarri durant aqueu decenni demeniguèt rapidament l'eficacitat d'aquela proteccion. Ansin, l'armada francesa refusèt d'adoptar l'AMX-40 e ges de país estrangier foguèt interessat. Lo projècte foguèt donc una revirada e la comercializacion dau carri foguèt arrestada en 1990.