2 Baruc

L'Apocalipsi siriaca de Baruc o 2 Baruc es un apocrif de l'Ancian Testament atribuit a Baruc ('secretari' de Jeremias pendent l'exili de Babilònia au segle VI avC), datable a la fin dau segle I, aprep la destruccion dau Temple de Jerusalem en 70. 'Queste libre es pas considerat coma canonic per los judius ni per la majoritat de las egleisas crestianas. Present dins la Pešiṭta, fai partida dau canon de l'Egleisa siriaca ortodòxa. Es divisat en 87 chapítols. L'apocalipsi pròpriament dicha ocupa los 77 prumiers chapítols. Los chapítols 78-87 son coneguts coma la "Letra de Baruc a las nòu tribús e mieja".