Òrc

Un article de Wikipèdia, l'enciclopèdia liura.
Salta a la navegació Salta a la cerca
Dessenh d'un òrc

Un òrc es una creatura imaginària, inspirada dau gobelin dei legendas germanicas. Es a l'origina una espècia umanoïda dei mors brutalas, dins l'òbra de J.R.R. Tolkien, Bilbo lo hobbit e Lo Senhor deis Anèus.

Tolkien a nomat orc (mot anglés originau) aqueu tipe de creatura, assimilable a un demòni, d'après Orcus, nom d'un dieu dau monde sosterranh de la mitologia romana. De mai, lo mot orc significa "pòrc" en gaelic, la p disapareissent dins aquesta lenga. Aquò, correspònde a sa facha pòrcina.

Leis òrcs dins l'òbra de Tolkien[modificar | modificar la font]

Leis òrcs dins Donjons & Dragons[modificar | modificar la font]

Leis òrcs son d'umanoïdes monstruós de granda talha. Ben que son d'aspècte tant variable que leis umans, la màger part an una pèu grisassa, un frònt bas e fòrça clinat, un visatge pòrcin, una maissèla impausanta e d'ulhaus coma lei defensas de singlar. Sa pilositat fòrça desvolopada es rufa, seis aurelhas son coma aquelei d'un lop e an leis uelhs roges.

Leis òrcs son brutaus e agressius, vivon generalament de pilhatge e de maraudatge. Seis enemics ereditaris son leis elfes : dins la cosmologia estandard de D&D, lei legendas òrcs còntan coma lo dieu elfe Corellon Larethian a emborniat lo dieu òrc Gruumsh dins un duèl legendari.

Son organizats en societat tribala, totjorn en cèrca de novèus territòris de pilhar.

Son leis opausants mai populars dei gropes de jogaires, ambé la familha dei gobelins.

La descripcion, la definicion e lei caracteristicas de juec deis òrcs an evoluit au cors deis edicions. En particular, son alinhament, qu'èra leiau marrit dins la segonda edicion d'Advanced Dungeons & Dragons, es devengut caotic marrit dins la tresena edicion de D&D.