Vila abandonada

Una vila abandonada es un centre urban despoplat onte son encara visibles de vestigis importants de bastiments e d'infrastructuras. Aquela evolucion es sovent lo resultat d'un abandon de la vila per seis abitants en causa d'un eveniment violent (guèrra, incendi, accident tecnologic, catastròfa naturala, etc.) o d'evolucions economicas (agotament d'una mina, ensablament d'un pòrt, etc.). Lei vilatges isolats tocats per l'exòde rurau, lei vilas minieras e lei vilas-usinas son pus sensibles a aqueu fenomèn car an rarament un teissut economic pron diversificat per passar a una autra activitat.