Treble bipolar

Un article de Wikipèdia, l'enciclopèdia liura.
Anar a : navigacion, Recercar

Lo treble bipolar (ancianament apelat « psicòsi maniacodepressiva ») es un diagnostic psiquiatric caracterizat per de periòdes alternatius de mania/ipomania e de depression.

Pus rarament lo treble bipolar se pòt caracterizar per una fase maniaca sens preséncia de fase depressiva. Un estat maniac fòrça intens se pòt acompanhar de deliris e d'allucinacions.

Cau exclaure d'autrei diagnostics estent que, de còps que i a, de simptòmas deguts a un desòrdre de la tiroïda son atribuits per error a un treble bipolar. Leis individús patissent de treble bipolar mòstran de simptòmas que pòdon èstre confonduts amb aquelei de l'esquizofrenia.

Pasmens, l'emplec dau concèpte de « bipolaritat » ven dau Manuau diagnostic e estatistic dei trebles mentaus (DSM) e es pas exempte de debats dins lo mond medicau.

Lo mecanisme dei trebles bipolars es mau connoissut. Lei causas son multiplas, probablament biologicas, psicologicas e environamentlas.

Lo treble bipolar a una prevaléncia globala d'aperaquí 1% de la populacion generala.[1]

Referéncias[modificar | modificar la font]