Tomás Albaladejo
Un article de Wikipèdia, l'enciclopèdia liura.
Tomás Albaladejo Mayordomo, nascut a La Union, Region de Múrcia (1955), es un romanista e un teorician de la literatura.
[Modificar] Biografia
Licenciat de Filologia Romanica a l'universitat de Múrcia, obtenguèt son doctorat de Letras Modèrnas a l'universitat de Bolonha. Amplièt sos estudis a l'universitat de Bielefeld (Alemanha). Foguèt professor assistent a l'universitat de Malaga e a l'universitat de Múrcia, professor titular de Gramatica Generala e de Critica Literària a l'universitat d'Alacant e catedratic de Teoria de la Literatura a l'universitat de Valhadolid; es actualament de catedratic de Teoria de la Literatura e de Literatura Comparada del departament de Lingüistica Generala, Lengas Modèrnas, Logica e Filosofia de la Sciència a l'universitat autonòma de Madrid. Tomás Albaladejo es un cercaire important de la teoria del lengatge literari, de la teoria e de l'analisi del tèxte narratiu e del tèxte poetic, de la retorica, de la comunicacion, de la teoria de la traduccion, del tèxte periodistic, del discors politic e de las paginas web, amb d'atencion especiala a l'analisi transdiscorsiva de la literatura e d'autres tipes de discors.
Lo 28 de mai de 2007 donét a la Facultat de Drech de l'universitat del Bascoat la conferéncia La construccion istorica e culturala de la Retorica: dempuèi las originas a la Ciberretorica.
[Modificar] Òbras
- Retórica (Retorica), Madrid: Síntesis, 1988.
- Teoría de los mundos posibles y macroestructura narrativa: análisis de las novelas cortas de Clarín (Teoria dels monds possibles e macroestructura narrativa: analisi dels romans corts de Clarín), Alacant: Universitat d'Alacant, 1986 e 1998.
- Semántica de la narración: la ficción realista (Semantica de la narracion: la ficcion realista), Madrid: Taurus Ediciones, 1992.
