Thay

Un article de Wikipèdia, l'enciclopèdia liura.
Anar a : navigacion, Recercar

Thay es un país imaginari pròpri a la campanha dei Reiaumes Oblidats, per lo juec de ròtle de Donjons e Dragons. Es un país onte renhan lo mau e la magia, sota la forma dei Mascs Roges, mai dangeirós qu'un vòu de dragons o que lei plans dau Zhentarim.

Geografia[modificar | modificar la font]

La majoritat dau país s'atròba sus una granda planura, la Planura Thayenca, accessibla solament per quauqueis endrechs bèn gardats. La nacion es enviroutada d'auts bauç que son pas possible de prendre, coneguts coma lo Premier Escarpament.

Lei brecs volcanics au centre dau país son enviroutats per lo Segond Escarpament. Dei montanhas raian lei tres grandei ribieras de ThayóEltar, Umber, e Lapendrar.

Lo país es estat explorat, cultivat e dominat per lei Mascs e sei subjèctes. L'agricultura consistís en de plantancions nombrosas esparpalhadas entre lei vilatges. I a tanben dei pichòtei fortalesas onte son collectats leis impòsts.

Lo comèrci passa per 2 grands aisses : la Granda Rota (nòrd - sud) e lo Camin Orientau (èst-oèst).

Leis grandei ciutats son : Amrutar, Bezantur, Eltabar, Escalant, Murbant, Netentir, Pìarados, SurThay, Tasselen, Tilbrand e Tìraturos.

Politica[modificar | modificar la font]

Lo país es dominat per lei Mascs Roges, bridats dins son ambicion per La Simbula e la Rachemenia. Lo manca d'organizacion es tanben un grand problèma.

La nacion es divisada en 11 regions politicas, apeladas tarchs. Lei dirigents d'aquelei tarchsòtas (regions), lei tarchions/tarchionessas son chausits per lei zulquirs, lo conseu de 8 Mascs Roges poderós, veritadiers mèstres dau país. Dins un tarch, lo tarchion a lo poder absolut tant que geine pas lei zulquirs.

Lei Zulquirs[modificar | modificar la font]

Lo Conseu es constituat de :

  • Lallara Mediocros (Abjuracion), una frema intelligenta, amiga de Tam
  • Druxus Rìm (Alteracion), un masc dotat, aliat de Tam
  • Nevron (Conjuracion), un jove Masc agressiu expansionista, volent prendre lo Rachemen e complotant amb Trul e Lauzoril.
  • Lauzoril (Encantament), un adversari de Tam
  • Yafìl (Divinacion), la Zulquir mai joina, aliada a Tam
  • Mìtrelia (Illusion), una masca misteriosa, isolada e conservant sa neutralitat.
  • Aznar Trul (Evocacion), tanben tarchion dau Priador, grand adversari de Tam
  • Szass Tam (Necromancia), lo mai poderós dei Mascs, cambiat en licha

Lei tarchs[modificar | modificar la font]

Leis 11 regions (e sei tarchions) son :

  • Alaor (Tarchionesse Tessaloni Canos, que contraròtla la 'pichòta' flòta dau país)
  • Delhumida (Invarri Metran, un jove e grand explorator)
  • Eltabbar (Tarchionesse Dmitra Flass, una illusionista, e vertadiera beutat exotica)
  • Gauros (Tarchionesse Azhir Cren, una guerriera)
  • Lapendrar (Tarchion Hezess Nìmar, un capelan de Cossut)
  • Priador (Aznar Trul, un dei 8 Zulquirs)
  • Pyarados (Tarchionesse Nymia Focar, cupida)
  • Surthay (Tarchion Homen Odesseiron, un guerrier e ancian Masc Roge)
  • Thaymount (Tarchion Pìras Autorian, un jove novici, vertadiera mariòta, chausit per Tam)
  • Tazalhar (Tarchion Milsantos Daramos, un grand guerrier proteccionnista)
  • Tìraturos (Tarchion Dimon, un òme intelligent e rasonable, grand economista)

Economia[modificar | modificar la font]

Thay es un país ric e prospèr, subretot gràcias au comèrci d'esclaus, eiretat de l'empèri de Mulhorand. L'esclavatgisme es un art traditionau aicí. Thay expòrta tanben de frucha (pomas, peras, citrons, figas et aranges) e de fusta. Lo país es ric en pèiras preciosas de totei menas (jade, lapis...) e en metau ric (aur, argent...)

Religion[modificar | modificar la font]

La religion es segondària a la magia, en Thay. Son venerats  : Bechaba, Loviatar, Malar, Char, Talona, e Umberlie, tant coma Gargaut. Cìric e Kelemvor son de dieus menors mai populars, tot coma Baine.

Kossut lo dieu elementau dau fuec es lo simbòl de proteccion dau país dempuei la guèrra còntra lei salamandras.

Istòria[modificar | modificar la font]

Thay fuguèt fondat i a 400 ans per de magis rebèls venguts de Mulhorand. S'organizèron e pilhèron la capitala de Delhumide en 922. L'empèri respostèt en mandant una fòrça armada, que fuguèt vencudas per lei poders dei mascs e la posicion estrategica de la Planura Thayenca. Uei encara, Thay es considerat coma una província mulhorandi per l'empèri...

La nacion prosperèt e temptèt, sens succès, d'annexar Rachemenia en 934 DC.

Lei Mascs, tròp nombrós, comencèron de se batre. Per reglar lo problèma, edifiquèron la politica actuala. Un conseu de 8 mascs (representant chascun una escòla) apelats Zulquirs, chausit leis 11 senhors regionaus. Lei Zulquirs rèstan pasmens l'aut de la ierarquia.

Certanei Mascs temptèron de prendre lo país de fòrça fins en 1074 DC. Lo sistèma leis adjudava pas, que lei corrupcions existissián encara. La soleta tòca comuna èra de prendre Rachemen e Aglarond, ajudats d'òrcs, de dròs et de tanar'ris. Totei lei plans capitèron mau...

En 1357, Hargrid Tenslaìer, tarchion du Lapendrar, s'alièt amb un senhor salamandra, e un soudan efrit, gràcias a dos zulquirs dins lo secret. Mai son plan capitèt mau, lei salamandras desbondavan sus lo Priador. La guèrra faguèt ràbia mai l'enemic fuguèt repossat.

Lo país fuguèt, per la seguida, tocat per l'Òrda Tuigan. Per evitar d'èstre pilhat, Thay s'alièt e mai amb l'Òrda per s'emparar de Rachemenia, sens succès.