Revòuta d'Atenco
La revòuta d'Atenco designa un ensems d'esmogudas que se debanèron en mai de 2006 dins la vila mexicana de San Salvador Atenco. Sa repression foguèt fòrça dura ambé plusors victimas e de desenaus d'arrestacions arbitràrias.
Foguèt entraïnada per la repression policiera d'una pichona manifestacion de floricultors que s'opausavan a la construccion d'un aeropòrt dins la region de Texcoco. Aperaquí un milier de policiers foguèron mandats còntra un seissantenau de manifestants. Après aquela intervencion, de combats opausèron la polícia a de manifestants dins la vila de San Salvador Atenco. Durèron dau 3 au 4 de mai e entraïnèron la mòrt de doas personas. La polícia arrestèt mai de dos centenaus de personas e abusada de 27 presonieras. Puei, la justícia mexicana condamnèt certanei manifestants a de penas fòrça importantas (fins a 112 ans de preson).