Nintendo
Nintendo Company, Limited (任天堂株式会社 Nintendō Kabushiki-kaisha) (NASDAQ : NTDOY.PK, Modèl:Tyo) es una entrepresa multinacionala fondada en 1889 per Fusajiro Yamauchi pròche Kyoto en Japon.
[modificar] Istoric
Au començament, la societat produsiá de cartas de jogar japonesas : lei hanafudas. Partent deis annadas 1960, comencèt de diversificar seis activitats en produsent de joguets, d'arrís instantanèus, la gestion d'una companhiá de taxi... Partent deis annadas 1980, Nintendo decidiguèt d'investir lo mercat dei consòlas e dei juecs vidèos. A l'ora d'ara, es una dei pus gròsseis entrepresas d'aqueu sector : en 2005, Nintendo es classificat premier editor de juecs vidèos en Japon e segond ais Estats Units. Au premier de decembre 2005, Nintendo vendèt 387 milions de consòlas e 2,2 miliards de juecs vidèos dins lo monde. Encuei, son 3000 personas que trabalhan per Nintendo, a mitat repartidas entre la concepcion materiala e la concepcion logiciala, çò qu'es pron pauc en comparason dei sieus rivaus sus lo mercat dau juec vidèo, Sony e Microsoft.
[modificar] Lei consòlas Nintendo
[modificar] La Famicom (nom japonés) ò Nintendo Entertainment System (nom occidentau que son acronim es NES)
Premiera consòla de salon Nintendo. Arribada en 1983 en Japon puei en 1986 en Occident.
[modificar] La GameBoy e sei derivats (GameBoy Pocket, GameBoy Color, GameBoy Advance, GameBoy Micro
Premiera consòla portadissa de Nintendo. Sortiguèt en 1989 en Japon. Conoissèt puei d'evolucions fins 2004 ambé la sortida de son darrier modèl, la GameBoy Micro.
[modificar] La Super Famicom (nom japonés) ò Super NES (nom american) ò Super Nintendo (nom europèu)
Consòla de salon 16 bits que sortiguèt en 1990.
[modificar] La Nintendo64
Consòla de salon 64 bits que sortiguèt en 1996.
[modificar] La GameCube
Consòla de salon 128 bits que sortiguèt en 2001.
[modificar] La Nintendo Dual Screen
Mai conoissuda per lo nom Nintendo DS. La nòva generacion de portadissas de Nintendo. Per lo premier còp, una consòla de juec possedís un ecran tactil. Sortiguèt en 2004.
[modificar] La Wii
Darriera generacion de consòla Nintendo. Son sistèma de contraròtle a la particularitat d'aver per lo premier còp sus una maquina "familiala" una deteccion dei movements dau jogaire que fonciona ambé de tecnologias coma la giroscopia e leis acceloromètres. Sortiguèt en 2006.
[modificar] Lei juecs Nintendo
La popularitat dei consòlas de juecs de Nintendo a de veire tanben ambé lei prestigiosas licéncias que sachèt fabregar lo gigant japonés de lòng de son istòria. Cada consòla nòva es l'escasença per Nintendo de desvelopar una nòva iteracion de sei personatges. Despuei Donkey Kong fins ai Pikmin en passant per Mario (lo personatge mai famós), Zelda e Metroid, leis univèrs de la firma dau plombier(que Nintendo es ansin escais-nomat estent que Mario es un plombier) son fòrça diversificats.
