Wii

Aguest article ei redigit en aranés.
Un article de Wikipèdia, l'enciclopèdia liura.

Era Wii damb un Wii Remote

Era Wii ei ua consòla de videojòcs de Nintendo e era successora dera Nintendo GameCube. Siguec lançada eth 19 de noveme de 2006 e arribèc en Euròpa eth 8 de deseme de 2006.[1]

Era videoconsòla se presentèc ena conferéncia que Nintendo hec ar E3 deth 2005, a mans deth president dera companhia, Satoru Iwata. Iwata mostrèc un prototipe dera consòla, mès sense ensenhar-ne eth comandament. Dempús d'açò, sorgiren fòrça rumors sobri s'era "revolucion" des videojòcs qu'era companhia anonciaue èren vertadèrs, mès fin finau eth madeish Satoru Iwata, pendent eth Tokyo Game Show d'aqueth an, ara fin de seteme, revelèc era grana caracteristica dera Wii, un comandament damb deteccion des movements qu'es jogadors hèn damb aguest, e les reprodusís ara accion deth jòc, eth Wii Remote.

Era consòla a dues revisions: era Wii Family Edition e era Wii Mini. Ath delà, era Wii a ua successora: era Wii U.

Lançament[modificar | Modificar lo còdi]

Les dates oficiaus de lançament, amassa damb es prètzi e eth nombre d'unitats a distribuïr-se entath Japon, America, Oceania, Asia e Euròpa se coneisheren eth 14 de seteme de 2006 ath lòc web de Nintendo. S'anoncièc tanben qu'era majoria des enviaments der an serie assignada ath continent american, e qu'un totau de 33 jòcs acompanharien eth debut dera consòla ath mercat.[2] Eth sistèma arribèc en Corèa del Sud eth 26 d'abriu de 2008 e en Taiwan eth 12 de junhsèga d'enguan.[3][4]

Jòcs[modificar | Modificar lo còdi]

Es còpies des jòcs de venta ath public sigueren distribuïdi en un format de disc coneishut coma Wii Optical Disc, fòrça semblable a un DVD. Aguesti son en ua caisha de plastic amassa damb eth sòn corresponent manuau d'instruccions. Es títols lançadi en Euròpa an un triangle estampat ena cantoada inferiora dreta deth cant que permet identificar era region o eth país a on ei destinat eth jòc. Era consòla includís eth blocatge regionau, ei a díder, qu'eth logiciau aquerit en ua region solament foncionarà es sistèmes d'aguesta zòna.[5]

Es 10 jòcs mès venudi sigueren:[6]

Referéncies[modificar | Modificar lo còdi]

  1. https://www.gamespot.com/articles/wii-arrives-in-europe-december-8-for/1100-6157699/
  2. https://web.archive.org/web/20090416221426/http://canalgame.com/noticias/wii/20060915103112.html
  3. https://www.gamesindustry.biz/wii-to-release-in-taiwan-july-12
  4. https://web.archive.org/web/20070930223622/http://www.gamespot.com/events/wiilaunch/story.html?sid=6163607
  5. http://www.joystiq.com/2006/09/15/wii-not-even-remotely-region-free/
  6. https://www.nintendo.co.jp/ir/en/finance/software/wii.html