Niccolò Paganini

Un article de Wikipèdia, l'enciclopèdia liura.
Niccolò Paganini
Profession: compositor, violonista
País: Republica de Gènoa
Estil: Romantic
Data de neishença: 27 d'octobre de 1782
Lòc de neishença: Gènoa, Republica de Gènoa
Data de decès: 27 de mai de 1840
Lòc de decès: Niça, Comtat de Niça
Paganini qu'ei reputat aver podut acabar un concèrt dab pas sonque ua còrda

Niccolò Paganini (Gènoa, 1782 - Niça, 1840) que ho un compositor romantic italian, considerat tanben com un deus violonista màgers de totas las tempsadas, que ho tanben mandolinista e guitarrista.

Los sons coincertos per vriulon e sustot los sons 24 capricis deu son opus 1 que comptan (e, de segur, en paticular lo 24au) enter las òbras màgers deu repertòri deu vriulon. Qu'ei totun tanben presat per las soa musica de crampa incluent pupitres de guitarra.

Vita[modificar | Modificar lo còdi]

Niccolò paganini qu'èra lo tresau enfant d'ua familha qui e'n comptè 6. Lo son pair, Antonio Paganini, marcadèr, qu'èra tanben mandolinista e que'u aprengó a jogar la mandolina. Aus set ans, que comencè a estudiar lo vriulon (un instrument mei dificil mes pròche acordat parièr com la mandolina). De segur lo mainatge que's mostrè deus hèra talentuós e lo son pair que'u s'anè hidar au mèste Alessandro Rolla a Parma, qui, eth medish, e'u hidè a Ferdinando Paër e a Gasparo Ghiretti. Au 18 ans, arron mudanças devudas a l'invasion d'Italia per Napoleon, Paganini que vadò purmèr vriulon de la Republica de Lucca. La soa carrièra de virtuòse qu'èra establida atau com la soa reputacion de jogaire de hemnassèr.

Que perdore atau lo son estradivari au jòc abans de's har auherir, en compensacion lo famós guarneri conagut devath lo nom de Il Cannone.