Monotrematum sudamericanum
Monotrematum sudamericanum foguèt una espècia de monotrèma escandilhada uèi e que visquèt pendent lo Paleocèn. Foguèt trobat a la Formacion de Salamanca, a Argentina[1]. Es l'unic monotrèma trapat en de fòra d'Oceania.
Taxonomia[modificar | Modificar lo còdi]
Foguèt descrich coma espècia en l'an 1992 coma un nòu genre, Monotrematum. Es l'unica espècia fins ara descobèrta d'aqueste genre. Los cercaires que l'estudièron restaquèron lo fossil trapat amb lo genre Obdurodon, una espècia tanben de monotrèma descobèrta a Austràlia en 1975.
Descripcion[modificar | Modificar lo còdi]
Monotrematum sudamericanum es conegut sonque per doas dents inferioras e una superiora. Es tanben lo solet ornitorrinc jamai trobat en defòra de la paleoregion d'Austràlia e Asia. la principal caracteristica d'aqueste monotrèma es, a mai de l'epòca que visquèt, la sieuna mesura: las dents de Monotrematum son aperaquí dos còps màgers que las d'autras espècias semblantas del genre d'Obdurodon. Las dents de M. sudamericanum son uèi al Musèu de La Plata e al Musèu paleontologic Edigio Feruglio, ambedos a Argentina[2][3].
Segon Pascual, "L'esmalt de la region centrala mòstra que la corona es gaireben parièra a la d'Obdurodon: son dos lobuls e l'anterior es mai ample e desseparat del posterior per una val qu'unís las partidas de la lenga e la boca de la corona e dessepara tanben lo lobul posterior e l'anterior".
Referéncias[modificar | Modificar lo còdi]
- ↑ Monotrematum at Fossilworks.org
- ↑ Pascual, R.; Archer, M.; Jaureguizar, E.O.; Prado, J.L.; Godthelp, H.; Hand, S.J. (1992). "First discovery of monotremes in South America". Nature. 356 (6371): 704–706. doi:10.1038/356704a0.
- ↑ Pascual, R.; Goin, F.J.; Balarino, L.; Sauthier, D.E.U. (2002). "New data on the Paleocene monotreme Monotrematum sudamericanum, and the convergent evolution of triangulate molars" (PDF). Acta Palaeontologica Polonica. 47 (3): 487–492. Retrieved 2020-01-21.