Mistral (vent)

Un article de Wikipèdia, l'enciclopèdia liura.
Anar a : navigacion, Recercar
Pagina d'ajuda sus l'omonimia Pels articles omonims, vejatz Mistral.

Lo mistral (o mistrau) (mistral en francés, mestral en catalan, maestrale en còrs e italian) es un vent de nòrd-oèst (NW) a nòrd (N), fresc o freg e sovent violent, que concernís lo nòrd del bacin de la Mediterranèa Occidentala. S'apèla tramontana en Lengadòc, mistral en Provença e sus la Còsta d'Azur, mas es lo meteis vent que pòt bufar fins al sud de las Balearas e aténher lo nòrd de Tunisia.

Causas del mistral[modificar | modificar la font]

Corredors del mistral

L'aparicion del mistral (e de la tramontana) es ligada a l'arribada d'un flux maritim fresc d'origina atlantica, o d'un flux freg continental, que perven en Mediterranèa pel còl de Lauragués e lo corredor Ròse-Sòna.

Las causas de desenclavament del mistral son :

  • Establiment d'una dorsala anticiclonica sul sud-oèst (SW) de França
  • Depression relativa sus la Mediterranèa Occidentala
  • Preséncia d'aire caud dins la zona de la depression
  • Alimentacion en aire freg

Es pas indispensable qu'aquestas quatre condicions sián acampadas.

Previsions[modificar | modificar la font]

La preséncia de cirrus, sustot se son nombroses e localizats vèrs l'Oèst pòt èsser un signe anonciator del mistral, mas es pas sistematic.

Efièches del vent[modificar | modificar la font]

Arbres desraiçats pel vent

Un exemple de sa fòrça foguèt visible pendent la partida França-Sud-Africa pendent la Copa del Monde de Fotbòl 1998, ont l'equipa atacant contra lo vent aguèt de dificultats e far avançar lo balon per de tirs longs.
Un autre efièch del mistral es visible dins la valada de Ròse, particularament al sud de Valença : sa fòrça e sa persisténcia influisson sus la creissença dels arbres isolats que son fòrtament inclinats vèrs lo sud.