Marraquèsh

Un article de Wikipèdia, l'enciclopèdia liura.
Anar a : navigacion, Recercar
Lo plan Djemaa el Fna

Marraquèsh (en berbèr: Murakush, en arabi: مراكش, Murrakush), coneguda coma la « Vila Roja », es una vila (wilaya) de Marròc de 1 036 500 abitants (2006), qu'es la capitala de la region economica de Marraquèsh-Tensift-Al Haouz. Se situa al sud-oèst del país, al pè de las montanhas d'Atlàs.

L'origina probabla del seu nom es un mot berbèr mur (n) akush, que significa « tèrra de dieu ». La raiç mur s'utiliza ara dins la lenga berbèr mai que mai al femenin amurt. Lo meteis mot mur apareis en Mauritània, mas son interpretacion es pas segura.


Marraquèsh vist de las nautors

Fins fa qualques decennis, Marròc èra conegut coma lo « Reialme de Marraquèsh » pels arabis, persans e europèus. Los noms europèus de Marròc, Marruecos, Maroc, Marokko, etc. son directament derivats del mot berbèr Murakush.

La vila de Marrakesh ten lo mai grand mercat tradicional (soc) de Marròc qu'es tanben un dels màgers d'Africa e del mond, e s'i tròba tanben la famosa plaça fòrça afasendada de Djemaa el Fna[1] .

Coma fòrça vilas de Magrèb e de l'Orient Mejan, Marraquèsh ten a l'encòp una vila vièlha fortificada (la medina) a costat d'una vila modèrna (sonada Gueliz). Lo quartièr josieu o mellah se situa dins la vila vièlha o medina. S'i tròba la Sinagòga Salat Al Azama, erigida en 1492. La ciutat es desservida per l'Aeropòrt Internacional de Menara (RAK es lo còde de l'aeropòrt) e una linha ferroviària cap a Casablanca e lo nòrd.

Nòtas[modificar | modificar la font]

  1. Ready for the masses? - Daily Telegraph