Los Angeles

Un article de Wikipèdia, l'enciclopèdia liura.
Anar a : navigacion, Recercar
exemple de tèxte
Edificis a Los Angeles, Califòrnia.

Los Angeles, oficialament the City of Los Angeles, sovent designada per sas inicialas L.A., es la principala ciutat de l'estat american de Califòrnia e la segonda mai importanta demograficament de totes los Estats Units. Sa populacion èra estimada a 3 792 621 abitants, en 2010 (12 925 330 abitants dins l'airal metropolitan). Sa superfícia totala es de 1215 km², çò que ne fa la segonda ciutat dels Estats Units aprèp Nòva York. Los americans l'apèlan sovent per son escaisnom L.A. prononciat « el ei ». Aquela ciutat es lo capluòc del comtat omonim. Los Angeles significa « los àngels » en espanhòl. Son nom complet es : Pueblo de Nuestra Señora la Reina de Los Ángeles del Río de Porciuncula, es a dire « Lo vilatge de Nòstra Dòna la Reina dels Àngels del riu de Porciuncula ».

Mas la sola municipalitat de Los Angeles (LA City) es relativament pichona fàcia a l'aglomeracion totala de la ciutat, e mai s'es pus granda que Nòva York e Chicago. Los Angeles es una ciutat olimpica: aculhiguèt los Jòcs Olimpics dos còps (en 1932 e 1984). Mondialament coneguda per son activitat scientifica e culturala, vòl conservar son estatut de ciutat-region mondiala (world city-region). L. A. es cosmopolita e demòra un dels punts d'entrada principala dels immigrants als Estats Units. Atrai las populacions gràcias a son clima, son estil de vida e la possibilitat d'i realizar lo "sòmi american".