Lista de provèrbis occitans

Aquesta es una lista de provèrbis o arreproèrs occitans.

Ensenhador :	- A B C D E F G H I J K L M N O P Q R S T U V W X Y Z

LAS APARÉNCIAS

Maison de haure, cavilha de husta. (Bearn)

Tot chin que japa, non mòrde pas. (Provença)

Tot ce qu'es blanc n'es pas de farina. (Auvèrnhe)

cpr Tot çò qui ei blanc n'ei pas haria. (Bearn)

L'ARGENT

L'argent a pas de còr. (Carcin)

L'argent pòrta medecina (Peiregòrd)

Au hart la hartèra, au praube la misèra. (Bearn)

LO FATALISME

A l'aulha tonuda lo vent (Bearn)

Esperança fa viure. (Provença)

Fauta d'alh, l'an [òm] minja daus inhons. (Lemosin)

Lo garric fa pas un píbol. (Roergue)

Parlatz a l'ase, vos farà de pets (Lengadòc)

Quand la pera serà madura, tombarà ben. (Lemosin)

Qui se contenta de gaire, al a tot. (Valadas)

LO TEMPS

Rocana dau mandin, aiga lo ser a plens chamins (Lemosin)

La matinaa ela es la mare de la jornaa. (Valadas)

LOS VICIS

Borsa de jugador, n'a gis de sarrador. (Auvèrnhe)

A la maison deu jogador, uei l'arrís, doman lo plor. (Gasconha)

A

ABONDANÇA de ben gasta ren (Lemosin)

ABRIU fa flor, Mai ne'n a l'onor (Peiregòrd)

AIGA arrestada, empoisonada.

A l'AIGA tranquilla t'i fises pas. (Lengadòc)

ALBA roja, vent o ploja. (Lengadòc)

ANNADA de pluèja, annada d'imor. (Carcin)

Paubra ANNADA quand lo curet laura e la puta fiala. (Peiregòrd)

Tots los ASES de la fieira se semblan pas. (Peiregòrd)

AUNOR n'ei pas haria. (Bearn)

AUSEU que chanta lo matin, lo ser es plumat e rostit. (Peiregòrd)

AUVELHA que s'esbesenla perd son minjar (Peiregòrd)

B

BEATA de glèisa, diablessa a l'ostal.

A cada BÈSTIA de son hen. (Bearn)

Bèu parlar non escortega la lenga. (Provença)

C

Cal totjorn donar un òs al can fòl. (Carcin)

A CARNAVAL, tot s'i val. (Lengadòc)

Chascun fai virar l'aiga de vers son molin. (Peiregòrd

Chascun sap çò que bul dins son ola. (Vivarés)

Chasque ausèl tròba son niu bèl (Lemosin)

Cu fai pas quand pòt, fai pas quand vòl. (Carcin)

Cu l'acaba va a la cava. (Carcin)

Cu non pòu portar, tirassa. (Provença)

Cu parla dau mau dau vesin, z-a lo sieune en chamin. (Auvèrnhe)

Cu petaça, son temps passa. (Carcin)

Cu s'assembla se sembla. (Carcin)

D

De raça lo can ne caça. (Carcin)

Del temps que lo boièr dinna, lo temps s'aisina. (Carcin)

De quante biais que l'òm se vire, n'òm a totjorn lo cuol de darrièr. (Vivarés)

D'una gresa se pòt far un canabal, e d'un canabal se pòt far una gresa. (Carcin)

E

En mai la craba es borruda, en mai lo boc l'aima. (Carcin)

F

Fa la saussa a l'aucèu sensa aver vist la pluma. (Provença)

La nèu de FEBRIER, quò's d'aiga dins un panier (Auvèrnhe)

Per beure de bona aiga chau 'nar vers la bona FÒNT. (Auvèrnha)

G

Gau de carriera, dolor d'ostau. (Provença)

cpr Gau de carriera, diable d'ostau.

Per la GULA i a totjorn de monde. (Provença)

H

Ne cau pas tròp horgar la HAUÇ si vòlen que cope la toja. (Bearn)

HILH de la mair, parent deu pair. (Bearn)

J

JORN passat, jorn ganhat. (Provença)

L

La fam fai sortir lo lop de la siauva. (Auvèrnhe)

cpr La famina fai sortir lo lop de la cròsa. (Carcin)

La palha e lo temps maduran las nesplas (Lemosin)

Las estèlas revèrtan lo soc. (Roergue)

Lausa la mar e ten-te en tèrra. (Provença)

Lo ben de rifa-rafa s'entòrna coma s'amassa. (Carcin)

Lo gentum fai pas bulir l'ola (o : Lo gentum sala pas l'ola). (Vivarés)

Lo promier au molin, lo promier engrana (Lemosin)

Lo que trabalha manja la palha. Lo que fai res manja lo fen. (Carcin)

Los amics, coma los melons, fòrça de falses, paucs de bons. (Albi)

Los ans ne'n saben mai que los libres. (Peiregòrd)

Los bons nadaires son los bons negaires. (Carcin)

Los mestiers en -aire ne valon gaire (Lemosin)

Los uns que segoteishen lo plèish, los autes qu'amassan las amoras. (Bearn)

M

Mai despend l'estrech que lo larg. (Lengadòc, Provença)

Montanhas nèiras, Lemosin escur, fará de plueja, de segur. (Auvèrnhe).

N

Nais lo chabrit, mas nais decò lo boisson. (Valadas)

NEJAR de feurieir vau de fomarieir. (Auvèrnhe)

comp NÈU de primtemps, tà la tèrra que vau hems (Gasconha)

Non i a mèu sensa fèu, ròsa sensa espina, ni nòse sensa crovèu. (Provença)

Non i a tala mordedura que d'un pevolh revengut. (Provença)

Non i vagues, e non t'enfangaràs. (Provença)

Non se fa d'una lèbre un lion. (Provença)

Non te rises de mon mau, que quand lo mieu serà vièlh, lo tieu serà nòu. (Provença)

Non vague au bòsc cu crenhe lei fuelhas. (Provença)

O

Òbra facha li fa gaug. (Provença)

On i a un hasan, las poras non cantan. (Bearn)

P

Lo PAN de taula a pas de mèstre. (Carcin)

Mauvat PAN n'es pas fam. (Auvèrnhe)

PAS a pas, l'òm va ben luench. (Provença)

I a pas de PASCADAS sens uòus.

Au mai PENDE, au mai rende. (Provença)

PETAÇAR fai durar. (Carcin)

PICHON gasanh emple la borsa. (Provença)

PIU-PIU totjorn viu. (Lengadòc, Provença)

PLUÈJA d'abrial, secada d'estiu. (Roergue)

Q

Vejatz tanben la letra C

Qual pana un uòu, pana un buòu. (Lengadòc)

Quand las filhas se maridan, lhas consenton en dire non. (Auvèrnhe)

Quan los chivaus n'an pas mei de hen, que hèn aus còps de pès. (Bearn)

Quand lo solelh se regarda, de la pluèia pren-te garda. (Vivarés)

Quand tròna au mes de febrier, tot l'òli caup dins un culhier. (Provença)

Quau vòu se faire messongièr, se fàsia devinaire de temps. (Vivarés)

Que per Nadal se solelha, per Pascas se torrelha. (Roergue)

Que plaidia tot sol a totjorn rason. (Auvèrnha)

Que vai charchar 'na femna luenh, pòrta la tara o ben la pren. (Auvèrnhe)

Qui dab cans va, apren a lairar. (Bearn)

Qui fa piu piu dura un brieu.

Qui lenga a, a Roma va.

Qui trabalha, manja la palha. Qui fa res, manja lo fen. (Carcin)

Quò que regetan bei lo pè, o van quèrre bei lo bèc. (Auvèrnhe)

R

Rat de glèisa, diable d'ostal. (Lengadòc)

v tb Beata de glèisa, diablessa a l'ostal.

Rat escaudat, l'aiga tébia li fai paur. (Carcin)

Robin se soven totjorn de sas flutas (Lemosin)

S

Segon lo temps fau navegar. (Provença)

T

Tau a pensament de farina, qu'a pron de pan cuech. (Provença)

Tau consente que se'n pente. (Provença)

U

Una poma poirida ne'n gastariá mila (Lemosin)

Un bon badalhaire nen fai badalhar detz. (Auvèrnhe)

V

VAL mai faure que faurisson. (Carcin)

cpr Val mai paiar faure que faurisson. (Lemosin)

cpr Que vau mei pagar haure que haurilhon. (Bearn, Gasconha)

VAL mai se tener au tronc qu'a las branchas. (Lemosin)

VAU mai èsser quinçon de champ que rossinhòu de gàbia. (Provença)

VAU milhor passar per bèstia que per hòl. (Gasconha)

Una VESITA fai totjorn plaseir, si quò-es pas quand ven, quò-es quand fila. (Auvèrnhe)""

Lo qui a VESINS qu'a socís (Bearn)

VODRE e podre son de chausas mesparièras. (Auvèrnhe)

Veire tanben

Bibliografia

• Lou Trésor dóu Félibrige, Frederic Mistral

Articles connèxes

• Felibritge
• Frederic Mistral
• Occitan
• Tresaur dau Felibritge