Lana Del Rey

Un article de Wikipèdia, l'enciclopèdia liura.
Anar a : navigacion, Recercar

Elizabeth Woolridge Grant, mai coneguda coma Lana Del Rey (Nòva York, 21 de junh de 1986) es una cantautora e modèla americana. Venguèt celèbra internacionalament gràcias a sa cançon "Video Games" en 2011 que n'aviá fach una vidèo que se podiá visionar sus YouTube. Son segond album, Born to Die, qu'espeliguèt en genièr de 2012 se vendèt a mai de 5 milions d'exemplars e se situèt a la cinquena posicion de las melhoras vendas de 2012.

Biografia[modificar | modificar la font]

Elizabeth Woolridge Grant nasquèt a Nòva York en 1986 dins una familha amonedada, mas cresquèt a Lake Placid. Son paire, Rob Grant, èra un gestionari de noms de domenis sus Internet e sa maire, Pat Grant, trabalhava coma comptabla dins una firma publicitària. A catòrze ans, faguèt d'estudis a Kent School, un pensionat situat dins l'estat de Connecticut abans de s'inscriure a l'edat adulta en filosofia a l'Universitat Fordham de Nòva York.

Discografia[modificar | modificar la font]

  • Lana Del Ray a.k.a. Lizzy Grant (2010)
  • Born to Die (2012)